Нясвіжскі дзяржаўны каледж імя Якуба Коласа

Нясвіжскі дзяржаўны каледж імя Якуба Коласа
Нясвіжскі дзяржаўны каледж імя Якуба Коласа. Вучэбны корпус №1
Дата заснавання	1944
Тып	каледж
Размяшчэнне	Нясвіж
Адрас	222603, Мінская вобласть, г. Нясвіж, вул. Чкалава, 8.
nesko.by

Нясвіжскі дзяржаўны каледж імя Якуба Коласа — сярэдняя навучальная ўстанова ў г. Нясвіж. Заснаваны 24 верасня 1944 года пастановай Баранавіцкага абкама КП(б)Б і аблвыканкама, адкрыты як педагагічнае вучылішча. Першы дырэктар — Арцём Пятровіч Саўчанка.

З 3 сакавіка 1946 года педвучылішча пачало насіць імя Якуба Коласа. Педагагічнае вучылішча функцыянавала 12 гадоў. За гэты перыяд было падрыхтавана каля 1000 настаўнікаў. У 1956 годзе Нясвіжскае педагагічнае вучылішча імя Якуба Коласа было закрыта, а яго навучэнцы пераведзены для далейшага навучання ў Пінскае педагагічнае вучылішча імя А. С. Пушкіна. Зноў адкрыта як вучылішча ў 1984 годзе, з 1994 года — каледж. У 2008 годзе вернута імя Якуба Коласа.

Спецыяльнасці

• Дашкольная адукацыя
• Пачатковая адукацыя
• Замежная мова
• Дызайн
• Турызм і гасціннасць
• Фізічная культура

Вядомыя навучэнцы

• Яўген Міклашэўскі, беларускі пісьменнік, перакладчык
• Іван Дзмітрыевіч Ралько, беларускі літаратуразнавец

Вядомыя выкладчыкі

• Анатоль Майсеевіч Бардовіч (нар. 1928) — мовазнавец.

Літаратура

• Нясвіжскі педагагічны каледж // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).