Нічыпар Лукіч Аксючыц

Нічыпар Лукіч Аксючыц
Наркам камунальнай гаспадаркі БССР ліпень 1931 — ліпень 1932
Кіраўнік урада	Мікалай Галадзед
Папярэднік	пасада заснаваная
Пераемнік	Емяльян Жуковіч
Старшыня Менскага гарадскога выканаўчага камітэта красавік 1929 — снежань 1930
Кіраўнік урада	Мікалай Галадзед
Папярэднік	Сцяпан Яцкевіч
Пераемнік	Іосіф Валодзька
Наркам гандлю БССР 1928 — 1929
Кіраўнік урада	Мікалай Галадзед
Пераемнік	Казімір Бенек
Нараджэнне	13 (25) сакавіка 1892 Сакавічы, Барысаўскі павет, Мінская губерня, Расійская імперыя
Смерць	невядома
Партыя	ВКП(б) (1920)

Нічы́пар Лукі́ч Аксю́чыц (25 (13) сакавіка 1892, в. Сакавічы Барысаўскага павета Мінскай губерні, Расійская імперыя, цяпер Лагойскага раёна Мінскай вобласці — ?) — беларускі дзяржаўны дзеяч, наркам гандлю і камунальнай гаспадаркі БССР, старшыня Менскага гарадскога выканаўчага камітэта.

Біяграфія

З сялянскай сям’і.

Скончыў народнае вучылішча. З 1914 да 1917 года служыў у царскай арміі ў званні унтэр-афіцэра, удзельнічаў у Першай сусветнай вайне.

Пасля Лютаўскай рэвалюцыі 1917 года абраны членам палкавога салдацкага камітэта.

З кастрычніка 1917 года ў Барысаўскім выканкаме, затым у Барысаўскім ваенкамаце.

Са снежня 1918 года — старшыня Менскага валаснога камітэта.

З кастрычніка 1919 года прызначаны начальнікам Барысаўскай павятовай міліцыі, пасля камісар па харчаванню Барысаўскага раёна.

З кастрычніка 1923 года на працы ў Менску — старшыня праўлення Беларускага саюза сельскагаспадарчай і крэдытнай кааперацыі, дырэктар Белсельгасбанка ў Менску.

У 1928—1929 гадах наркам гандлю БССР, потым старшыня Менскага акруговага выканкама.

У снежні 1929 года прызначаны членам эканамічнай нарады пры СНК БССР, з лютага 1931 года — начальнік Галоўнага ўпраўлення камунальнай гаспадаркі пры СНК БССР, з ліпеня 1931 да ліпеня 1932 года — наркам камунальнай гаспадаркі БССР.

Член ЦК КП(б)Б у 1929—1932 гадах.

Паводле некаторых звестак, арыштаваны НКУС у другой палове 1930-х гадоў і асуджаны да вышэйшай меры пакарання (расстрэл).

Літаратура

• Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). Т. 3. Кніга 1 / Укладальнік Л. У. Маракоў. — Мн., 2004.
• Энцыклапедыя гісторыі Беларусі. У 6 т. Т. 1: А — Беліца / Рэдкал.: М. В. Біч і інш.; Прадм. М. Ткачова; Маст. Э. Э. Жакевіч. — Мн.: БелЭн, 1993. — 494 с., [8] к.: іл. — 20 000 экз. — ISBN 5-85700-074-2.