Ойген Палянскі

Ойген Палянскі
Агульная інфармацыя
Нарадзіўся	17 сакавіка 1986(1986-03-17) (39 гадоў) Сасновец, Польская Народная Рэспубліка
Грамадзянства	Германія
Рост	183 см
Вага	80 кг
Пазіцыя	паўабаронца
Клубная кар’ера
2004—2008 Барусія Мёнхенгладбах 53 (1) 2008—2010 Хетафэ[d] 26 (0) 2009—2010 →  Майнц 05 21 (1) 2010—2013 Майнц 05 66 (3) 2013—2018 Гофенгайм 123 (9)
Медыяфайлы на Вікісховішчы

О́йген Паля́нскі (польск.: Eugen Polanski), народжаны Багуслаў Эўгеніюш Палянскі (польск.: Bogusław Eugeniusz Polański; нар. 17 сакавіка 1986(1986-03-17), Сасновец, Польская Народная Рэспубліка) — былы польскі футбаліст, паўабаронца. У 2011—2014 гадах выступаў за нацыянальную зборную Польшчы. Акрамя польскага мае і нямецкае грамадзянства.

Біяграфія

Нарадзіўся 17 сакавіка 1986 года ў Сасноўцы (Польшча).

У трохгадовым узросце з бацькамі пераехаў у нямецкі горад Фірзен непадалёк ад мяжы з Нідэрландамі, дзе пачаў займацца футболам. Выступаў за аматарскі клуб «Канкордыя» з Фірзена, а ў 1994 годзе быў прыняты ў акадэмію мёнхенгладбахскай «Барусіі». Пасля 10 гадоў навучання дэбютаваў у асноўным складзе пад кіраўніцтвам Дзіка Адвакаата: 12 лютага 2005 года ў матчы Бундэслігі супраць «Вердэра» ён выйшаў на замену на 81-й хвіліне замест Пера Клюге. Гэта быў, дарэчы, яго адзіны матч у сезоне 2004—2005 гадоў, а ў сезоне 2005—2006 гадоў Ойген згуляў ужо 21 гульню. 19 лістапада 2005 года ён забіў першы гол у Бундэслізе ў браму леверкузенскага «Баера», што прынесла камандзе нічыю 1:1. У 2006 годзе клуб заняў 10-е месца, а праз год і зусім прымудрыўся вылецець у Другую Бундэслігу. У сезоне 2007—2008 гадоў Палянскі згуляў 9 матчаў, а затым пакінуў клуб.

Новай камандай у яго кар’еры стаў іспанскі «Хетафэ», у які яго запрасіў Віктар Муньяс. Палянскі перайшоў у іспанскую каманду і дэбютаваў у Ла Лізе 28 сакавіка 2008 года ў матчы супраць «Атлетык Більбаа», які «Хетафэ» перамог з лікам 1:0. Улетку на правах арэнды Ойген адправіўся ў «Майнц 05», а пасля сезона 2009—2010 гадоў і зусім падпісаў афіцыйны кантракт з клубам на 4 гады.

Нацыянальная зборная

У 2001—2005 гадах Палянскі выступаў за розныя зборныя Германіі, а ў 2005—2008 гадах ён выступаў за зборную да 21 года і быў ейным капітанам. Аднак з 2011 года дэбютаваў за нацыянальную зборную Польшчы.

Асабістае жыццё

Багуслаў Яўген Палянскі вымушаны быў змяніць сваё імя пры атрыманні нямецкага пашпарта, паколькі таго патрабавала нямецкае заканадаўства, гэта значыць нямецкага аналага славянскаму імя Багуслаў не існуе, таму цяпер яго імя — Ойген Палянскі. У ліпені 2011 года ён атрымаў польскі пашпарт, які дазволіў яму гуляць за зборную Польшчы, але не памяняў імя і нават захаваў нямецкае грамадзянства.

Асабіста сябе лічыць больш па менталітэце немцам, чым палякам. Сям’я: жонка Караліна, дзеці Тыма (2003) і Лука (4 лістапада 2008). З 2009 года жыве ў Бінгене-на-Райне. Валодае нямецкай, польскай і іспанскай мовамі.

Спасылкі

• На Вікісховішчы ёсць медыяфайлы па тэме Ойген Палянскі
• Профіль на fussballdaten.de
• Профіль на transfermarkt.de