Перайсці да зместу

Олі Уоткінз

З Вікіпедыі, свабоднай энцыклапедыі
Футбол
Олі Уоткінз
Агульная інфармацыя
Нарадзіўся 30 снежня 1995(1995-12-30)[1] (29 гадоў)
Грамадзянства
Рост 180 см
Вага 70 кг
Пазіцыя нападаючы
Клубная кар’ера[* 1]
2014—2017 Exeter City F.C.[d] 68 (21)
2014—2015 →  Weston-super-Mare A.F.C.[d] 24 (10)
2017—2020 Брэнтфард[d] 132 (45)
2020— Астан Віла 192 (76)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў.
Лагатып Вікісховішча Медыяфайлы на Вікісховішчы

Олівер Джордж Артур Уоткінз (англ.: Oliver George Arthur Watkins; нар. 30 снежня 1995) — англійскі футбаліст, нападнік «Астан Віла» і нацыянальнай зборнай Англіі.

Кар’ера

[правіць | правіць зыходнік]

Клубная

[правіць | правіць зыходнік]

Уоткінз ёсць выхаванцам акадэміі «Эксэтэр Сіці». У складзе каманды і дэбютаваў у Другой лізе ў матчы сезона 2013—2014 гадоў супраць «Гартэлпул Юнайтэда». 8 снежня 2014 года нападнік на час арэнды далучыўся да нялігавага клуба «Уэстан-сьюпер-Мер», дзе цягам апошняй часткі сезону здолеў уключыць 10 галоў за 24 матчы. Па вяртанні з арэнды Уоткінзу было цяжка змагацца за месца ў складзе, у выніку чаго свой першы матч сезону згуляў у канцы кастрычніка, а ў пачатковым складзе першы раз з’явіўся 6 снежня на дэванскім дэрбі супраць клуба «Плімут Аргайл». Да сакавіка 2016 года ігрок, нарэшце, здабыў месца ў першай адзінаццатцы. Наступны сезон футбаліст быў адным з ключавых.

18 ліпеня 2017 года Уоткінз далучыўся да клуба з Чэмпіёншыпа «Брэнтфарда» паводле працоўнай угоды на чатыры гады[2]. Паводле чутак за гэта падпісанне брэнтфардцы выклалі каля 1,8 мільёнаў фунтаў стэрлінгаў[3]. Свой першы гол у новай камандзе нападнік забіў 8 жніўня падчас іх матчу першага раўнду Кубка лігі супраць «Уімблдану». Праз два гады Уоткінз склаў новы кантракт з клубам, які меўся доўжыцца чатыры гады[4].

9 верасня 2020 года Уоткінз далучыўся да клуба Прэм’ер-лігі «Астан Вілы», склаўшы пяцігадовы кантракт[5]. Бірмінгемцы выдаткавалі 28 мільёнаў фунтаў стэрлінгаў[6]. «Эксэтэр Сіці» зарабіў на гэтым трансферы 4 мільёны фунтаў стэрлінгаў і яшчэ 750 тысяч фунтаў[7]. 15 верасня згуляў у кашулі новага клуба ў матчы Кубка лігі, а праз шэсць дзён паклаў пачатак выступы ў найвышэйшай лізе Англіі ў матчы супраць «Шэфілд Юнайтэда». 4 кастрычніка ігрок тройчы ўключыў мячы ў браму «Ліверпулу» ў хатнім пераможным матчы, які скончыўся з лікам 7:2. 25 лютага 2023 года Уоткінз забіў гол у сваім пятым запар матчы Прэм’ер-лігі, стаўшы першым іграком «Астан Вілы», які здолеў дасягнуць такога паказчыка[8]. Сезон 2023—2024 гадоў англічанін скончыў з 19 галамі ў Прэм’ер-лізе на сваім рахунку.

Міжнародная

[правіць | правіць зыходнік]

18 сакавіка 2021 года Уоткінз быў уключаны ў склад зборнай Англіі Гарэтам Саўтгейтам на адборачныя матчы да чэмпіянату свету 2022 года супраць зборных Сан-Марына, Албаніі і Польшчы[9]. 25 сакавіка нападнік дэбютаваў у зборнай, выйшаўшы на замену ў другім тайме ў матчы супраць зборнай Сан-Марына на Уэмблі.

Крыніцы

[правіць | правіць зыходнік]
  1. ↑ Ollie Watkins // Transfermarkt — 2000. Праверана 9 кастрычніка 2017.
  2. ↑ «Brentford sign Ollie Watkins». Brentford F.C.
  3. ↑ «Brentford agree £1.8m deal to sign Exeter striker Ollie Watkins». Sky Sports.
  4. ↑ «Ollie Watkins signs long-term contract extension». Brentford F.C.
  5. ↑ «Villa announce Watkins signing». Aston Villa F.C.
  6. ↑ «Confirmed: Aston Villa see off Tottenham challenge as £28m star completes transfer». Birmingham Mail.
  7. ↑ «Ollie Watkins: England goalscorer’s friends react to Euro 2024 win». BBC Sport.
  8. ↑ «Watkins on history-making five goals in five». Aston Villa F.C.
  9. ↑ «England squad: Ollie Watkins earns first England call-up; Jesse Lingard, Luke Shaw, John Stones all recalled». Sky Sports.

Спасылкі

[правіць | правіць зыходнік]


Узята з "https://be.wikipedia.org/w/index.php?title=Олі_Уоткінз&oldid=5001221"