Норд Еўрапеан Банк

Норд Еўрапеан Банк
Заснаванне	2009
Сайт	nebbank.by

Закрытае акцыянернае таварыства «Норд Еўрапеан Банк» (ЗАТ «Н.Е.Б. Банк») — былы камерцыйны банк у Рэспубліцы Беларусь. Банк працаваў, у асноўным, з юрыдычнымі асобамі. Рэгіянальная сетка адсутнічала. Меўся галаўны офіс у г.Мінску.

Гісторыя

Створаны ў кастрычніку 2009 года пад назвай ЗАТ «Онербанк», як банк са 100% замежным (іранскім) капіталам. У жніўні 2010 года ў дачыненні да Онербанк былі ўведзеныя аднабаковыя санкцыі Міністэрства фінансаў ЗША па прычыне таго, што банк кантралюецца іранскімі банкаўскімі структурамі.

У студзені 2013 года ў выніку чатырох здзелак было прададзена 15 млн. акцый ЗАТ «Онербанк» (100% акцыянернага капіталу) за 5,1 млн. EUR. У банка цалкам змяніліся ўласнікі. Трыо іранскіх банкаў (Bank Refah Kargaran, Bank Saderat Iran, Bank Toseeh Saderat Iran / Export Development Bank of Iran) прадалі свае долі рэзідэнту Германіі Х.М.Танха (пасля здзелкі ён стаў уладальнікам 94% акцый банка) і беларускаму ПГУП "Іст Трэйд кампаніі "(6% акцый).

У сувязі са зменамі, якія адбыліся ў структуры ўласнікаў, і па рашэнні новых акцыянераў, ЗАТ «Онербанк» перайменавана ў закрытае акцыянернае таварыства "Норд Еўрапеан Банк" (скарочаная - ЗАТ "Н.Е.Б. Банк").

Ліквідацыя

15 верасня 2016 года ў сувязі са зменай умоў фінансавага рынку акцыянеры банка прынялі рашэнне аб ліквідацыі Банка.

27 верасня 2016 года ў Нацыянальны банк Рэспублікі Беларусь прадаставіў згоду на ліквідацыю закрытага акцыянернага таварыства «Норд Еўрапеан Банк». Адначасова ў адпаведнасці з заканадаўствам Рэспублікі Беларусь у ЗАТ «Н.Е.Б. Банк» адклікана спецыяльны дазвол (ліцэнзія) на ажыццяўленне банкаўскай дзейнасці.