Орта (Азорскія астравы)

Горад
Орта
Horta
Сцяг Герб
38°34′46″ пн. ш. 28°42′59″ з. д.
Краіна	Партугалія
Рэгіён	Азорскія астравы
Гісторыя і геаграфія
Заснаваны	1467
Першая згадка	1467
Горад з	1498
Плошча	10,67 км²
Вышыня цэнтра	18 м
Насельніцтва
Насельніцтва	14994 чалавекі (2011)
Нацыянальны склад	партугальцы
Канфесійны склад	каталікі
Афіцыйная мова	партугальская *
Лічбавыя ідэнтыфікатары
Тэлефонны код	(+351) 292
Паштовыя індэксы	9900-997
cmhorta.pt (парт.)
Паказаць/схаваць карты
Орта Орта
Медыяфайлы на Вікісховішчы

О́рта (парт.: Horta) — горад на востраве Фаял (Партугалія). У Орце знаходзіцца Заканадаўчая асамблея Азорскіх астравоў. Насельніцтва (2011 г.) - 14 994 чал.

Гісторыя

У 1467 г. фламандскія і партугальскія перасяленцы заснавалі невялікае паселішча на востраве Фаял. Яго сучасная назва — трасфарміраванае імя заснавальніка, фламандца Джоша ван Хюртэра (нідэрл.: Joss van Hürter). У 1498 г. былі пабудаваны ўмацаванні, жыхары атрымалі статус гараджан. У XVI ст. Орта на кароткі час была занята іспанцамі, двойчы вытрымала асаду англійскіх піратаў. У XVII ст. горад стаў адным з цэнтраў ордэна езуітаў.

У 1833 г. правы горада Орта былі пашыраны. У 1847 г. пабудавана новая крэпасць. У Орце некаторы час знаходзілася консульства ЗША. Дзякуючы амерыканскім інвестыцыям у 1876 г. быў пашыраны порт. У 1893 г. праз Орту прайшла трансатлантычная кабельная лінія паміж Еўропай і Паўночнай Амерыкай.

У 1973 г. адчынены аэрапорт (з 2001 г. мае статус міжнароднага). З 1976 г. у Орце працуе Заканадаўчая асамблея Азорскіх астравоў.

Эканоміка

Горад Орта — важны транспартны і камунікацыйны цэнтр Паўночнай Атлантыкі. У ім імкліва развіваецца турызм. Порт Орты прыцягальны для яхтсменаў.

Насельніцтва

Год Колькасць 2011 14 994 2021 14 331

Гарады-пабрацімы

•  Порту-Алегры, Бразілія
•  Фрымант, ЗША

Славутыя мясціны

• Самая вялікая на Азорскіх астравах гавань, прыцягальная для малых і вялікіх суднаў. Каля гавані знаходзіцца месца, адкуль назіраюць за кітамі і дэльфінамі.
• Стары горад уздоўж гавані з пабудовамі ў барочным і каланіяльным стылях.
• Порту-Пім — невялікі заліў з пясчаным пляжам.
• Монтэ-дэ-Гія — прыродны парк на вулканічным узвышэнні, адкуль назіраюць за наваколлем. На прыбярэжжы шмат птушак, сустракаюцца марскія чарапахі.
• Кальдэйра — вулканічны кратар у 10 км ад горада.
• Кабека-Горда каля Кальдэйры — самае высокае месца вострава Фаял.

Спасылкі

• Афіцыйны сайт
• Славутыя мясціны