Орындж-Уолк[1] (англ.: Orange Walk) — горад у Белізе, адміністрацыйны цэнтр аднайменнай акругі.
Цэнтр горада знаходзіцца на вышыні 33 м над узроўнем мора. У часы мая горад быў вядомы пад назвай Халпатын. У 1530 годзе на гэтую тэрыторыю высадзіліся еўрапейскія каланізатары, пасля чаго пачалася вайна паміж імі і індзейцамі мая. У 1848 годзе ў горад прыбылі бежанцы мая і метысы з Мексікі, ратуючыся ад вайны ў Юкатане. Метысы прынеслі з сабой цукровы трыснёг, які затым стаў асновай эканомікі Беліза.
