Оскар Шлемер

З пляцоўкі Вікіпедыя
Перайсці да навігацыі Перайсці да пошуку
Оскар Шлемер
ням.: Oskar Schlemmer
Партрэт
Род дзейнасці скульптар, мастак, лялечнік, дзеяч мастацтваў, лібрэтыст, выкладчык універсітэта, фатограф, дызайнер, графік, сцэнограф
Дата нараджэння 4 верасня 1888(1888-09-04)[1][2][…]
Месца нараджэння
Дата смерці 13 красавіка 1943(1943-04-13)[1][3][…] (54 гады)
Месца смерці
Месца пахавання
Грамадзянства
Жонка Helena Schlemmer[d]
Дзеці Karin Schlemmer[d] і Ute-Jaïna Schlemmer[d]
Месца працы
Альма-матар
Бітвы/войны
Commons-logo.svg Оскар Шлемер на Вікісховішчы

Оскар Шлемер (ням.: Oskar Schlemmer; 4 верасня 1888, Штутгарт — 13 красавіка 1943, Бадэн-Бадэн) — нямецкі мастак, скульптар, харэограф і тэатральны афарміцель.

Біяграфія[правіць | правіць зыходнік]

Мастацкія працы Шлемера ахопліваюць велізарны дыяпазон розных мастацкіх стыляў і кірункаў XX стагоддзя, ад формаў геаметрычнай абстракцыі і кубізму да класіцызму ў партрэце ці пейзажы. Прыблізна ў 1913 годзе фармуецца асноўная тэма яго палотнаў — выява чалавечых фігур, выкананыя ў геаметрычна абстрактнай манеры, выглядаюць на паверхні карціны як нейкі мудрагелісты арнамент. У створаных мастаком у 1914 годзе для Прамысловай выставы ў Кёльне творах насценнага жывапісу адчуваецца ўплыў экспрэсіянізму.

У 1920 годзе Оскар Шлемер атрымаў запрашэнне ў Веймар, у Баўхаўс, дзе спачатку кіраваў майстэрняй металічных вырабаў, а затым, з 1922 года — майстэрняй скульптуры. З 1923 года яго мастацкі стыль падвяргаецца моцнаму ўздзеянню метафізічнага жывапісу (Pittura Metafisica). Колькасць чалавечых фігур на яго карцінах памяншаецца, яны размешчаны на выразна падзеленай паверхні палатна ў нейкай харэаграфічнай пабудове, што з’яўляецца адлюстраваннем універсальнай гармоніі. Пасля набыцця ў гэты перыяд шэрагу работ мастака берлінскай Нацыянальнай галерэяй і музеем Фолькванг у Эсэне да Шлемера прыходзяць прызнанне і вядомасць. У Баўхаўсе ён таксама вядомы як афарміцель сцэны і пастаноўшчык балетаў. З 1929 па 1932 год Шлемер з’яўляецца прафесарам у Брэслаўскай Акадэміі. Пасля прыходу да ўлады нацыянал-сацыялістаў у 1933 годзе кантракт з Берлінскай Аб’яднанай школай мастацтваў быў скасаваны. У гэты перыяд змяняецца і мастацкі стыль майстра — фармат твораў паменшаны, фігуры на іх размешчаны бліжэй адна да адной, формы становяцца мякчэй і больш круглявымі, намаляваныя цёплымі, часта цёмнымі фарбамі.

У 1937 годзе Шлемеру было забаронена ўдзельнічаць у мастацкіх выставах, а 5 яго карцін былі выстаўлены на выставе «Дэгенератыўнае мастацтва». Выпрабоўваючы фінансавыя цяжкасці, мастак працуе рамеснікам у Штутгарце. Апошняя яго праца, серыя «Аконныя карцінкі» — 18 маленькіх акварэляў.

Зноскі

  1. 1,0 1,1 Oskar Schlemmer // Encyclopædia Britannica Праверана 9 кастрычніка 2017.
  2. Delarge J. Oskar SCHLEMMER // Le DelargeParis: Gründ, Jean-Pierre Delarge, 2001. — ISBN 978-2-7000-3055-6 Праверана 9 кастрычніка 2017.
  3. 3,0 3,1 Oskar Schlemmer // Luminous-Lint — 2005. Праверана 9 кастрычніка 2017.
  4. Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #118608088 // Агульны нарматыўны кантроль — 2012—2016. Праверана 15 снежня 2014.
  5. Oskar Schlemmer // Kunstindeks Danmark Праверана 9 кастрычніка 2017.
  6. Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #118608088 // Агульны нарматыўны кантроль — 2012—2016. Праверана 31 снежня 2014.