Остэ

З пляцоўкі Вікіпедыя
Jump to navigation Jump to search

Остэ
Isla Hoste.png
55°15′00″ пд. ш. 69°00′00″ з. д.HGЯO
АрхіпелагВогненная Зямля
АкваторыяЦіхі акіян
КраінаFlag of Chile.svg Чылі
Остэ (Чылі)
Остэ
Остэ
Плошча4 117 км²
Насельніцтва 11 чал.
Шчыльнасць насельніцтва0,003 чал./км²
Выгляд з вострава Наварына
Выгляд з вострава Наварына
Commons-logo.svg Остэ на Вікісховішчы

Остэ (ісп.: Hoste) — востраў у паўднёвай частцы архіпелага Вогненная Зямля. Уваходзіць у склад Чылі. Плошча - 4 117 км². Насельніцтва (2002 г.) - 11 чал.

Геаграфія і прырода[правіць | правіць зыходнік]

Востраў Остэ знаходзіцца ў 2396 км на поўдзень ад Сант'яга, сталіцы Чылі. Аддзелены ад вострава Вогненная Зямля на поўначы пралівам Бігль, ад вострава Наварына на ўсходзе — аднайменным пралівам, які ў самым вузкім месцы дасягае толькі 533 м. Остэ надзвычай гарысты. Найвышэйшая вяршыня дасягае 1402 м. Берагі перарэзаны фіёрдамі і залівамі, часцяком спадзістыя або пакрытыя друзам.

Клімат марскі прахалодны. Сярэдняя гадавая тэмпература +4°C. Найбольш цёплы месяц — студзень, калі сярэдняя тэмпература падвышаецца да +10,4°C. Пераважаюць заходнія вятры. Сярэдняя вільготнасць 74%. Высокія горы нават у летні перыяд пакрыты снегам.

Ніжнія схілы гор пакрыты нізкімі шырокалісцевымі лясамі. Аднак вышэй пачынаецца горная тундра. Наземныя жывёлы прадстаўлены пераважна грызунамі. На марскім узбярэжжы шмат птушак. Каменныя пляжы Остэ вабяць ластаногіх звяроў і пінгвінаў.

Гісторыя[правіць | правіць зыходнік]

Востраў здаўна быў населены індзейцамі кавескар і ямана. Тут яны здабывалі пірыт. У XVIII - пачатку XX стст. даследаваны шэрагам еўрапейскіх экспедыцый. У 1979 г. усходняе ўзбярэжжа Остэ выкарыстоўвалася ВМС Чылі ў канфлікце з Аргенцінай. У нашы дні большая частка вострава ўваходзіць у склад чылійскага Нацыянальнага парка Альберта дэ Агасціні.

Турызм[правіць | правіць зыходнік]

З 1990-ых гг. на ўсходзе вострава развіваецца турызм. З гэтай мэтай створаны спецыялізаваныя сцяжыны. Востраў Остэ вабіць прыхільнікаў незакранутай дзікай прыроды.

Літаратура[правіць | правіць зыходнік]

Спасылкі[правіць | правіць зыходнік]