Паала Кастэліні

Паала Кастэліні
Агульная інфармацыя
Нарадзіўся	25 сакавіка 1979(1979-03-25)[…] (45 гадоў) Брэшыя, правінцыя Брэшыя, Ламбардыя, Італія
Грамадзянства	Італія
Рост	184 см
Вага	78 кг
Пазіцыя	абаронца
Інфармацыя пра клуб
Клуб	завяршыў кар’еру
Маладзёжныя клубы
Крэманезэ
Клубная кар’ера
1996—2000 Крэманезэ 64 (0) 2000—2004 Тарына 114 (1) 2004 →  Брэшыя 16 (0) 2004—2006 Рэал Бетыс 13 (0) 2006—2012 Парма 136 (1) 2010—2011 →  Рома 8 (0) 2011—2012 →  Сампдорыя 20 (0) 2012—2014 Сампдорыя 8 (0) 2014 Ліворна 15 (0) 2014—2015 Крэманезэ 23 (0) 2015—2016 Брэшыя 20 (0)
Нацыянальная зборная
1998—2000 Італія (да 20) 8 (0) 2001—2002 Італія (да 21) 9 (0)
Медыяфайлы на Вікісховішчы

Паала Кастэліні (італ.: Paolo Castellini; нар. 25 сакавіка 1979, Брэшыя) — італьянскі футбаліст, левы абаронца.

Клубная кар’ера

Паала Кастэліні пачаў кар’еру ў клубе «Креманезэ» ва ўзросце 17 гадоў. У першым жа сезоне Паала ў клубе ён вылецеў у Серыю С1, затым дапамог клубу вярнуцца, але праз год яшчэ раз апынуўся ў трэцім італьянскім дывізіёне. Улетку 2000 года Кастэліні перайшоў у «Тарына», дзе адразу стаў гульцом асноўнага складу клуба. 26 жніўня 2001 года футбаліст дэбютаваў у Серыі A ў матчы з «Удзінезэ», які завяршыўся ўнічыю 2:2. Паала правёў у турынскім клубе яшчэ два з паловай сезоны, пасля чаго перайшоў у «Брэшыю» на правах паўгадавой арэнды.

Летам 2004 года ў Кастэліні скончыўся кантракт, і ён у статусе вольнага агента пераехаў у Іспанію, у клуб «Рэал Бетыс», падпісаўшы 5-гадовы дагавор. Італьянец планаваўся як замена ветэрана клуба Луіса Фернандэса Гут’ерэса, аднак малады футбаліст не змог выцесніць больш дасведчанага са складу. Да таго ж Паала доўгі час не выступаў з-за траўмы — разрыву звязкаў ў каленным суставе. У выніку гэтага абаронца правёў у клубе за два сезоны менш за 20 гульняў. 1 лістапада 2005 года Кастэліні правёў найлепшы матч за клуб: дзякуючы яго перадачы быў забіты гол, які прынёс севільцам перамогу над «Чэлсі» у Лізе чэмпіёнаў. 24 чэрвеня 2006 года «Бетыс» скасаваў кантракт з Паала.

У 2006 годзе Кастэліні перайшоў у «Парму», падпісаўшы кантракт на 4 гады. Футбаліст адразу стаў гульцом стартавага складу і ў сезоне 2008/09 змог пераадолець адзнаку ў 100 матчаў за клуб.

26 жніўня 2010 года Паала быў арандаваны клубам «Рома» з прыярытэтным правам выкупу кантракта гульца; рымскі клуб апярэдзіў «Мілан», які таксама быў зацікаўлены ў футбалісце. У складзе «джаларосі» футбаліст планаваўся як замена Ёна Арнэ Рыісэ. 11 верасня ён дэбютаваў у складзе клуба ў матчы з «Кальяры», але ўжо на 13-й хвіліне пакінуў поле з-за травмы.

Улетку 2011 года Кастэліні на правах арэнды накіраваўся ў «Сампдорыю». Праз год ён быў поўнасцю выкуплены генуэзскім клубам, у адваротным кірунку адправіўся Жанатан Б’яб’яні. З 2014 года выступаў за «Ліворна», пасля чаго вярнуўся ў клуб «Креманезэ», у якім некалі пачынаў кар’еру. Па заканчэнні сезона 2015/16, які правёў у «Брэшыі», абвясціў аб завяршэнні кар’еры.

Міжнародная кар’ера

Кастэліні выступаў за моладзевую зборную Італіі. У яе складзе ён удзельнічаў у моладзевым першынстве Еўропы ў 2002 годзе, дзе італьянцы дайшлі да паўфіналу.

Дасягненні

• Уладальнік Кубка Іспаніі: 2005