Пабла Аймар

Пабла Аймар
Агульная інфармацыя
Нарадзіўся	3 лістапада 1979(1979-11-03)[…] (45 гадоў) Рыа-Куарта[d], Рыа-Куарта[d], правінцыя Кордава, Аргенціна
Грамадзянства	Аргенціна
Рост	170 см
Вага	65 кг
Пазіцыя	паўабаронца
Клубная кар’ера
1985—1993 Эстудыянтэс Рыа-Куарта[d] 2001—2006 Валенсія 162 (27) 2006—2008 Рэал Сарагоса 53 (5) 2008—2013 Бенфіка 107 (12) 2013—2014 Johor Darul Takzim F.C.[d] 8 (2)
Медыяфайлы на Вікісховішчы

Пабла Сезар Аймар (ісп.: Pablo Cesar Aimar; нар. 3 лістапада 1979 года, Рыа-Куарта, Аргенціна) — былы аргенцінскі футбаліст, атакуючы паўабаронца. У 1999—2009 гадах — ігрок нацыянальнай зборнай Аргенціны.

Кар’ера

Першыя гады

Пабла Аймар пачаў займацца футболам у школе аргенцінскага клуба «Эстудыянтэс». Там на яго звярнуў увагу тагачасны трэнер «Рывер Плэйт» — Даніэль Пасарэлла, і неўзабаве Аймар далучыўся да юніёрскай каманды «Рыверу». 11 жніўня 1996 года ва ўзросце 16 гадоў, Аймар дэбютаваў у чэмпіянаце Аргенціны за галоўную каманду «мільянераў» і ў тым жа сезоне ўпершыню за кар’еру стаў чэмпіёнам краіны. Праз некалькі гадоў Аймар заваяваў месца ў асноўным складзе «Рывер Плэйт» і рэпутацыю аднаго з самых таленавітых футбалістаў Паўднёвай Амерыкі.

«Валенсія»

На Пабла прэтэндавалі адразу «Інтэр» і «Барселона», але сам Аймар абраў «Валенсію» для працягу кар’еры, дзе тады гулялі трое яго суайчыннікаў. Трансфер Аймара, гэта значыць 24 млн долараў, стаў самым буйным у гісторыі «кажаноў».

У «Валенсіі» Аймар адразу заявіў пра сябе як ігрок стартавага складу. Ён дапамог валенсійцам дабрацца да фіналу Лігі чэмпіёнаў 2000—2001 гадоў, аднак там яго і ўсю каманду спасцігла няўдача — «Валенсія», якая вяла ў ліку па ходзе гульні, атрымала паражэнне ў серыі пенальці мюнхенскай «Баварыі». У наступным сезоне з «Валенсіяй» Аймар атрымаў перамогу ў чэмпіянаце Іспаніі, у 2004 годзе «кажаны» паўтарылі гэты поспех, дадаўшы да іспанскага тытулу перамогу ў Кубку УЕФА і Суперкубку Еўропы.

Працяг

У 2006 годзе Аймар перайшоў з «Валенсіі» ў «Сарагоса», якая заплаціла за аргенцінца 11 млн еўра. Афіцыйныя прадстаўнікі новай каманды Пабла назвалі гэты трансфер «самым важным у гісторыі клуба». Але надоўга затрымацца ў сталіцы Арагона ў Аймара не атрымалася, бо ў 2008 годзе «Сарагоса» вылецела з Ла Лігі, і ён вырашыў змяніць клуб. Новым месцам працы Аймара стала «Бенфіка».

Міжнародная кар’ера

У 1999 годзе Пабла ўпершыню быў выкліканы ў асноўную каманду зборнай Аргенціны. Аймар браў удзел у чэмпіянатах свету 2002 і 2006 гадоў у складзе зборнай Аргенціны.

Дасягненні

Клубныя

«Рывер Плэйт»:

• Чэмпіён Аргенціны (3): 1997, 1999 (а), 2000 (к)
• Уладальнік Суперкубка Лібертадорэс: 1997

«Валенсія»:

• Чэмпіён Іспаніі (2): 2002, 2004
• Уладальнік Кубка УЕФА: 2004
• Уладальнік Суперкубка УЕФА: 2004

«Бенфіка»:

• Чэмпіён Партугаліі: 2010
• Уладальнік Кубка партугальскай лігі (4): 2009, 2010, 2011, 2012

«Джахор Дарул Такзім»:

• Чэмпіён Малайзіі: 2014

Міжнародныя

Аргенціна:

• Сярэбраны прызёр Кубка Амерыкі: 2007

Спасылкі

• На Вікісховішчы ёсць медыяфайлы па тэме Пабла Аймар
• Профіль на афіцыйным сайце «Бенфікі»
• Профіль на сайце PortuGOAL
• Статыстыка на сайце ForaDeJogo
• Статыстыка на National Football Teams