Павел Іванавіч Папоў

Павел Іванавіч Папоў
Міністр бытавога абслугоўвання насельніцтва БССР 1966 — 1978
Кіраўнік урада	Ціхан Кісялёў
Папярэднік	пасада ўтвораная
Пераемнік	Ала Грыб
Нараджэнне	10 (23) лютага 1916 Петраград, Расійская імперыя
Смерць	невядома
Партыя	КПСС
Адукацыя	Вышэйшая партыйная школа пры ЦК УКП(б) (1949)
Узнагароды

Па́вел Іва́навіч Папоў (10 (23) лютага 1916, Петраград — ?) — дзяржаўны дзеяч БССР.

Біяграфія

З сялян. Член КПСС (1940). Скончыў ВПШ пры ЦК УКП(б) (1949).

З 1937 года ў Чырвонай Арміі. З 1939 года сакратар Бельскага, першы сакратар Цехановецкага райкамаў камсамола Беластоцкай вобласці. З 1941 года ў войсках НКУС. З сакавіка 1944 года сакратар Беластоцкага падпольнага абкама ЛКСМБ. З 1944 года першы сакратар Гродзенскага абкама камсамола. З 1949 года загадчык аддзела, першы сакратар Гродзенскага гаркама, з 1959 года сакратар Гродзенскага абкама КПБ. З 1963 года начальнік Галоўнага ўпраўлення бытавога абслугоўвання і мясцовай прамысловасці пры СМ БССР (у 1965—1966 Галоўнае ўпраўленне бытавога абслугоўвання насельніцтва). З 1966 да 1978 года міністр бытавога абслугоўвання насельніцтва БССР.

Дэпутат Вярхоўнага Савета БССР 5, 7—8 скліканняў. На XXII і XXVII з’ездах абіраўся членам Рэвізійнай камісіі КПБ, на XXVI з’ездзе — членам ЦК КПБ. Узнагароджаны ордэнам Кастрычніцкай Рэвалюцыі, 3 іншымі ордэнамі, медалямі.

Літаратура

• Папоў Павел Іванавіч // Беларуская Савецкая Энцыклапедыя. У 12 т. Т. 8. Паддубнікі — Рабкі / Рэдкал.: П. У. Броўка (гал. рэд.) і інш. — Мн.: БелСЭ, 1975. — С. 94. — 676 с.: іл., карты.