Павел Аляксандравіч Баранаў

Павел Аляксандравіч Баранаў
Дата нараджэння	16 (28) ліпеня 1892
Месца нараджэння	Масква, Маскоўская губерня, Расійская імперыя
Дата смерці	17 мая 1962(1962-05-17) (69 гадоў)
Месца смерці	Камарова, Курортны раён, Ленінград, РСФСР, СССР
Месца пахавання	Серафімаўскія могілкі[d]
Грамадзянства	СССР
Род дзейнасці	батанік
Навуковая сфера	батаніка і Эмбрыялогія раслін[d]
Месца працы	Батанічны інстытут імя У. Л. Камарава РАН
Навуковая ступень	доктар біялагічных навук
Альма-матар	фізіка-матэматычны факультэт Маскоўскага дзяржаўнага ўніверсітэта[d]
Партыя	КПСС
Член у	Акадэмія навук СССР Акадэмія навук Малдовы
Узнагароды

Сістэматык жывой прыроды
Аўтар найменняў шэрага батанічных таксонаў. У батанічнай (бінарнай) наменклатуры гэтыя назвы дапаўняюцца скарачэннем «P.A.Baranov». Персанальная старонка на сайце IPNI

Павел Аляксандравіч Бара́наў (руск.: Павел Александрович Баранов; 16 (28) ліпеня 1892 — 17 мая 1962) — вучоны-батанік, доктар біялагічных навук, прафесар (1928), член-карэспандэнт Акадэміі навук СССР (1943).

Біяграфія

Нарадзіўся ў Маскве. У 1917 годзе скончыў фізіка-матэматычны факультэт Маскоўскага дзяржаўнага ўніверсітэта. У 1917—1920 гадах выкладаў у гімназіі, сярэдняй школе, а таксама ў Межавым інстытуце ў 1918—1920 гадах. З 1924 па 1944 год працаваў у Сярэднеазіяцкім дзяржаўным універсітэце. У 1920—1944 гадах на пасадзе загадчыка кафедры марфалогіі і анатоміі раслін, у 1921—1928 гадах дацэнт, з 1928 года прафесар, у 1921—1930 гадах дырэктар Батанічнага інстытута, у 1928—1944 гадах дырэктар Фундаментальнай бібліятэкі ўніверсітэта. У 1944—1945 гадах займаў пасаду дырэктар Маскоўскага батанічнага сада Акадэміі навук СССР, у 1945—1952 гадах намесніка дырэктара па навуковай частцы і загадчыка Лабараторыяй марфалогіі і анатоміі раслін Галоўнага батанічнага сада АН СССР. У 1948—1952 гадах — прафесар, загадчык кафедры батанікі ў Маскоўскім педагагічным інстытуце, у 1949—1954 — старшыня прэзідыума Малдаўскага філіяла Акадэміі навук СССР. З 1952 года П. А. Баранаў у Ленінградзе, на пасадзе дырэктара Батанічнага інстытута імя У. Л. Камарова Акадэміі навук СССР.

Навуковая і грамадская дзейнасць

Займаўся вывучэннем флоры Сярэдняй Азіі, анатоміі горных раслін. Аўтар навуковых прац па праблемах антагенезу і формаўтварэння раслін, комплексным вывучэнні бавоўніку і вінаграду, гісторыі эмбрыялогіі раслін.

У 1953—1955 гадах быў членам бюро Аддзялення біялагічных навук Акадэміі навук СССР, абіраўся дэпутатам Ленінградскага Савета дэпутатаў.

Сярод апублікаванага:

• Материалы к анатомии горных растений. — Ташкент: [б. и.], 1925.
• В далекой Африке — М.: Издательство Детской литературы, 1957.
• История эмбриологии растений в связи с развитием представлений о зарождении организмов. — М.: Издательство Академии наук СССР, 1955.

Узнагароды і званні

• Ордэн Леніна (1953)
• Ордэн Працоўнага Чырвонага Сцяга (1944)
• Ордэн Чырвонай Зоркі (1945)
• медаль
• Заслужаны дзеяч навукі Узбекскай ССР (1944)

Літаратура

• Баранаў Павел Аляксандравіч // Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — С. 297. — 10 000 экз. — ISBN 985-11-0035-8. — ISBN 985-11-0061-7 (т. 2).

Спасылкі

• Баранов Павел Александрович, (1892—1962), ботаник, эмбриолог, морфолог растений, член-корреспондент АН // Архивы Российской академии наук (руск.)
• Баранов Павел Александрович // Летопись Московского университета (руск.)
• Баранов Павел Александрович // «Мегаэнциклопедия Кирилла и Мефодия» megabook.ru (руск.)
• Baranov, P. A. (Pavel Aleksandrovich), 1892—1962 // Library of U.S. Congress (англ.)