Павел Арсенавіч Грабоўскі

Павел Арсенавіч Грабоўскі
укр.: Павло Арсенович Грабовський
Асабістыя звесткі
Дата нараджэння	30 жніўня (11 верасня) 1864
Месца нараджэння	Грабоўскэ, Ахтырскі павет[d], Харкаўская губерня, Расійская імперыя
Дата смерці	29 лістапада (12 снежня) 1902 (38 гадоў)
Месца смерці	Табольск, Табольская губерня, Расійская імперыя
Пахаванне	Zavalnoye cemetery[d]
Грамадзянства	Расійская імперыя
Альма-матар	Kharkiv Theological Seminary[d]
Прафесійная дзейнасць
Род дзейнасці	паэт, перакладчык, публіцыст
Медыяфайлы на Вікісховішчы

Павел Арсенавіч Грабоўскі (укр.: Павло Арсенович Грабовський; 30 жніўня (11 верасня) 1864, с. Грабоўскае Сумскай вобласці, Украіна — 12 снежня 1902) — украінскі паэт, рэвалюцыянер-дэмакрат.

Біяграфічныя звесткі

У 1874—1882 гг. вучыўся ў Ахтырскім духоўным вучылішчы і Харкаўскай духоўнай семінарыі. Удзельнік харкаўскай групы «Чорнага перадзелу». У 1882 годзе за рэвалюцыйную агітацыю арыштаваны і сасланы на катаргу. Каля 20 гадоў правёў у сібірскіх турмах і ссылцы.

Творчасць

Майстар кароткага верша, насычанага глыбінёй думкі і пачуццяў (зборнікі «Пралеска», 1894; «3 Поўначы», 1896; «Кобза», 1898). У творах адлюстроўваў мінулае і сучаснае Украіны, героіку рэвалюцыйнай барацьбы. Як крытык і публіцыст выступаў супраць дэкадэнцтва, тэорыі «мастацтва дзеля мастацтва», апалітычнасці ў мастацкай творчасці, ліберальнага народніцтва, сцвярджаў прынцыпы рэалізму. Пісаў для дзяцей. Перакладаў з рускай, грузінскай, армянскай, балгарскай, польскай, англійскай, італьянскай, французскай і іншых моў свету (зборнік «3 чужога поля», 1895).

Літаратура

• Грабоўскі Павел Арсенавіч // Беларуская энцыклапедыя: У 18 т. Т.5: Гальцы — Дагон / Рэдкал.: Г. П. Пашкоў і інш. — Мн.: БелЭн, 1997. — Т. 5. — 576 с. — 10 000 экз. — ISBN 985-11-0090-0.

Спасылкі

• Творы
• Творы на партале «Український Центр» Архівавана 24 лютага 2021.