Павел Віктаравіч Вераб’ёў

Павел Віктаравіч Вераб’ёў
Павел Віктаравіч Вераб’ёў
	альтэрн.: Павал Віктаравіч Вераб’ёў
Асабістыя звесткі
Імя пры нараджэнні	альтэрн.: Павал Віктаравіч Вераб’ёў
Дата нараджэння	7 лістапада 1958
Месца нараджэння	Рабавічы, Лапаціцкі сельсавет, Слаўгарадскі раён, Магілёўская вобласць, БССР, СССР;
Дата смерці	5 красавіка 2023 (64 гады)
Месца смерці	Мінск, Беларусь;
Грамадзянства	СССР; Беларусь;
Альма-матар	факультэт журналістыкі БДУ; Мінская вышэйшая партыйная школа;
Месца працы	Прысожскі край[d]; Народная гаспадарка Беларусі[d]; ЦК ЛКСМБ[d]; Чырвоная змена; Знамя юности; Добры вечар[d]; Мінская праўда;
Прафесійная дзейнасць
Род дзейнасці	пісьменнік, журналіст, паэт
Мова твораў	беларуская
Грамадская дзейнасць
Член у	Саюз беларускіх пісьменнікаў; Саюз пісьменнікаў Беларусі;
Прэміі	Літаратурная прэмія імя Максіма Багдановіча[d]

Павел Віктаравіч Вераб’ёў (7 лістапада 1958 в. Рабавічы, Слаўгарадскі раён — 5 красавіка 2023, Мінск) — беларускі літаратар і журналіст.

Біяграфія

Скончыў завочна факультэт журналістыкі Беларускага дзяржаўнага ўніверсітэта і Мінскую вышэйшую партыйную школу.

Працаваць пачынаў у слаўгарадскай раённай газеце, пасля пераехаў у Мінск, дзе працаваў на розных адказных пасадах у часопісе «Народная гаспадарка Беларусі», загадчыкам сектара друку ЦК ЛКСМБ, газетах «Чырвоная змена» і «Знамя юности».

У 1991-м непрацяглы час быў галоўным рэдактарам газеты «Знамя юности», з 1992-га — намеснік галоўнага рэдактара газеты «Добры вечар», з 1994-га — аглядальнік газеты «Мінская праўда».

З 1992 года быў сябрам Саюза беларускіх пісьменнікаў, пасля 2005 года перайшоў у праўладны Саюз пісьменнікаў Беларусі.

Творы

1990 — «Крытычная маса», зборнік вершаў
1995 — «Цёмнае віно», зборнік вершаў
2005 — «Не трэба вас…», зборнік вершаў і эсэ

Узнагароды

Павел Вераб’ёў быў лаўрэатам прэміі імя Максіма Багдановіча выдавецтва «Мастацкая літаратура»^[1].

Зноскі

↑ Пайшоў з жыцця паэт, журналіст Павел Вераб’ёў Архівавана 7 красавіка 2023., Звязда 6-4-2023

Літаратура

Вераб’ёў Павел Віктаравіч // Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. — С. 92. — 10 000 экз. — ISBN 985-11-0035-8. — ISBN 985-11-0090-0 (т. 4).
Вераб’ёў Павел Віктаравіч // Памяць : гісторыка-дакументальная хроніка Слаўгарадскага раёна / галоўны рэдактар У. І. Лемяшонак. — Мінск, 1999. — С. 516.
Вераб’ёў Павел // Беларускія пісьменнікі : біябібліяграфічны слоўнік : у 6 т. / галоўны рэдактар А. В. Мальдзіс. — Меінск, 1995. — Т. 6. — С. 557 : фота.
Лайкоў, Я. Метрыка літаратурная / Я. Лайкоў // Полымя. — 2008. — № 11. — С. 201.

Спасылкі

Мікола Берлеж Пайшоў з жыцця паэт, журналіст Павел Вераб’ёў Архівавана 7 красавіка 2023. // Выдавецкі дом «Звязда»
Літаратурныя імёны Слаўгарадчыны // Цэнтралізаваная сетка публічных бібліятэк Слаўгарадскага раёна

[1] Пайшоў з жыцця паэт, журналіст Павел Вераб’ёў Архівавана 7 красавіка 2023., Звязда 6-4-2023

[1]