Павойнічкавыя

Павойнічкавыя
Elatine hexandra
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Вербакветныя Сямейства:  Павойнічкавыя
Міжнародная навуковая назва
Elatinaceae Dumort., 1829
Роды
Гл. тэкст
Сістэматыка на Віківідах Выявы на Вікісховішчы ITIS   21400 NCBI   125023 EOL   4443 GRIN   f:404 IPNI   30013720-2 FW   55628

Павойнічкавыя (Elatinaceae) — сямейства кветкавых раслін парадку Вербакветныя.

Распаўсюджанне

Павойнічкі распаўсюджаныя па ўсім свеце, ад трапічных да ўмераных шырот, але найбольшай разнастайнасці дасягаюць менавіта ва ўмеранай зоне. Bergia расце ва ўмеранай зоне і тропіках Еўразіі і Афрыкі, адзін ці два віды выяўленыя ў Амерыцы. Цэнтрам біялагічнай разнастайнасці роду Bergia з’яўляюцца тропікі Старога Свету, тут жа найбольшай разнастайнасці дасягае ўсё сямейства. Ні адзін род не знойдзены ў арктычных экасістэмах.

Батанічнае апісанне

Прадстаўнікі першага роду (павойнічак) галоўным чынам з’яўляюцца воднымі травамі, а другога — паўкустарнікамі і кустамі.

Прадстаўнікі сямейства маюць невялікія двухполыя кветкі, сабраныя ў суквецці-завіткі або адзінкавыя, з 2-5 пялёсткамі. Лісце ў мутоўках або чарговыя, з залозкамі па краях і прылісткамі. Некаторыя водныя павойнічкі маюць рэдукаваную будову, што з’яўляецца адаптацыяй да воднага асяроддзя пражывання.

Гаспадарчае значэнне і прымяненне

Elatine hexandra, павойнічак сагнутасемянны (Elatine hydropiper) і Elatine macropoda часта вырошчваюць у акварыумах.

Роды

Па інфармацыі базы даных The Plant List (на ліпень 2016) сямейства ўключае 2 роды і 57 відаў:

• Bergia, уключае 29 відаў
• Elatine — Павойнічак, уключае 28 відаў

Спасылкі

• Элатиновые // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.
• Elatinaceae Архівавана 4 красавіка 2006. in L. Watson and M. J. Dallwitz (1992 года). Архівавана 3 студзеня 2007. The families of flowering plants: descriptions, illustrations, identification, information retrieval. Архівавана 3 студзеня 2007.
• http://delta-intkey.com Архівавана 3 студзеня 2007.
• http://cafe.naver.com/knowfreshwaterfish/54