Падапечная тэрыторыя Ціхаакіянскія астравы

З пляцоўкі Вікіпедыя
Jump to navigation Jump to search
Падапечная тэрыторыя ЗША
Падапечная тэрыторыя Ціхаакіянскія астравы
Trust Territory of the Pacific Islands
Сцяг Герб
Сцяг Герб
MapofTTPI.gif
Карта тэрыторыі (1961)
< Flag of Japan (1870–1999).svg
Flag of the Marshall Islands.svg >
Flag of the Federated States of Micronesia.svg >
Flag of the Northern Mariana Islands.svg >
Flag of Palau.svg >
1947 — 1994

Сталіца Сайпан
Мова(ы) Англійская мова
Грашовая адзінка Долар ЗША
Плошча 1 779 км²
Насельніцтва 132 929
Форма кіравання Падапечная тэрыторыя ААН
Commons-logo.svg Падапечная тэрыторыя Ціхаакіянскія астравы на Вікісховішчы

Падапечная тэрыторыя Ціхаакіянскія астравы — у мінулым падапечная тэрыторыя ААН у Мікранезіі, якая знаходзілася пад кіраваннем ЗША з 18 ліпеня 1947 года і ўключала Паўднёваціхаакіянскую мандатную тэрыторыю Лігі Нацый, што знаходзілася пад кіраваннем Японіі да 1944 года. Адміністрацыйным цэнтрам спачатку быў горад Ганалулу, затым Гуам і ўрэшце — Сайпан. У адміністрацыйным плане тэрыторыя падзялялася на 6 акруг: Маршалавы астравы, Панапэ, Трук, Марыянскія астравы, Яп і Палау. Пасля да гэтага спісу далучыўся Касраэ. Адзіная з тэрыторый у сістэме апекі ААН, у дачыненні да якой дзяржава-апякун агаварыла стратэгічны характар апекі (што абмяжоўвала ўмяшанне ААН у дзеянні ЗША ў адносінах да падапечнай тэрыторыі).

21 кастрычніка 1986 года з-пад кіравання ЗША выйшлі Маршалавы Астравы, а 3 лістапада 1986 года Чуўк (раней Трук), Яп, Касраэ, Панпеі (раней Панапэ) і Марыянскія астравы. Фармальна перыяд апекі Чуўк, Яп, Касраэ, Панпеі, Марыянскіх астравоў і Маршалавых астравоў скончыўся 22 снежня 1990 года пасля рашэння ААН. 25 мая 1994 года была спынена апека над Палау, пасля дасягнення дамоўленасцей паміж ЗША і Палау, паводле якіх Палау станавілася незалежнай дзяржавай 1 кастрычніка 1994 года.

Падапечная тэрыторыя Ціхаакіянскія астравы была падзелена на 4 тэрыторыі:

  1. Рэспубліку Маршалавы Астравы;
  2. Федэратыўныя Штаты Мікранезіі;
  3. Рэспубліку Палау;
  4. Садружнасць Паўночных Марыянскіх астравоў.

Першыя тры краіны знаходзяцца ў свабоднай асацыяцыі са ЗША, што азначае поўную самакіравальнасць, акрамя пытанняў абароны, якімі займаецца ЗША. Садружнасць Паўночных Марыянскіх Астравоў знаходзіцца ў садружнасці са ЗША, а яго жыхары з'яўляюцца грамадзянамі ЗША.

Спасылкі[правіць | правіць зыходнік]