Падвойнае жыццё Веранікі (саўндтрэк)
| Падвойнае жыццё Веранікі | |
|---|---|
| фр.: la Double Vie de Véronique англ.: The Double Life of Veronika польск.: Podwójne Życie Weroniki | |
| Саўндтрэк Збігнева Прайснера | |
| Дата выпуску | 1991[1] |
| Жанр |
акадэмічная музыка саўндтрэк |
| Працягласць | 31:08 або 30:29[1] |
| Прафесійныя рэцэнзіі | |
«Падво́йнае жыццё́ Верані́кі» — саўндтрэк фільма «Падвойнае жыццё Веранікі», знятага польскім кінарэжысёрам Кшыштафам Кеслёўскім. Другі альбом Збігнева Прайснера. Выдадзены ў 1991 годзе. Пазней неаднойчы перавыдаваўся іншымі лэйбламі[5][6].
Стваральнікі[правіць | правіць зыходнік]
Кампазітар — Збігнеў Прайснер
Выканаўцы:
- Аркестр — Вялікі Катавіцкі аркестр
- Хор — Філарманічны хор Сілезіі
- Дырыжор — Антоні Віт
- Салістка (сапрана) — Эльжбета Таварніцка
- Блокфлейта — Яцак Асташэўскі
Спіс кампазіцый[правіць | правіць зыходнік]
| № | Назва | Працягласць |
|---|---|---|
| 1. | «Weronika» | 00:38 |
| 2. | «Véronique» | 00:24 |
| 3. | «Tu Viendras» | 02:37 |
| 4. | «L’enfance» | 03:10 |
| 5. | «Van den Budenmayer. Concerto en mi minuer (SBI 152). Version de 1798» | 04:28 |
| 6. | «Véronique» | 00:35 |
| 7. | «Solitude» | 00:56 |
| 8. | «Les Marionnettes» | 02:28 |
| 9. | «Thème : 1re Transcription» | 00:54 |
| 10. | «L’enfance II» | 00:58 |
| 11. | «Alexandre» | 01:14 |
| 12. | «Alexandre II» | 01:12 |
| 13. | «Thème : 2e Transcription» | 00:54 |
| 14. | «Concerto en mi. Instrumentation contemporaine n° 1» | 00:38 |
| 15. | «Concerto en mi. Instrumentation contemporaine n° 2» | 01:13 |
| 16. | «Concerto en mi. Instrumentation contemporaine n° 3» | 01:25 |
| 17. | «Van den Budenmayer. Concerto en mi minuer (SBI 152). Version de 1802» | 05:19 |
| 18. | «Générique de fin» | 01:26 |
Музычнае суправаджэнне фільма[правіць | правіць зыходнік]
О чытачы, прашу, паверце мне вы,
Чым плыць у лодцы, хісткай і малой,
За караблём маім і слухаць спевы,
Вяртайцеся хутчэй на бераг свой!
За мною небяспечна плыць па моры —
Згубіцца можна ў далечы марской.
Плыву я ў невядомыя прасторы.
Спрыяе Апалон, Мінерва дзьме,
дапамагаюць музы бачыць зоры[7].
Альбом «Падвойнае жыццё Веранікі» складаецца з кампазіцый, якія былі напісаны ў якасці музычнага суправаджэння да аднайменнага фільма польскага рэжысёра Кшыштафа Кеслёўскага. У фільме музыка займае вядучае месца, не толькі ствараючы адмысловую атмасферу, але і адыгрываючы істотную ролю ў сюжэце. Абедзве галоўныя гераіні ў фільме адораныя вакалісткі, і адным з цэнтральных момантаў фільма з’яўляецца канцэрт, у якім Вероніка выконвае сольную партыю. Прайснер прыгадвае, што Кеслёўскі дрэнна разбіраўся ў музыцы, але выдатна разумеў яе ролю ў кіно. Так, даючы ўказанне наконт канцэрта, дзе павінна саліраваць Вероніка, Кеслёўскі наступным чынам апісаў неабходную музыку: «Ведаю, што гэта мусіць быць прыгожая песня. Мы павінны паказаць, што гэта дзяўчына — геній»[8]. Пры працы над фільмам большая частка музыкі пісалася да пачатку здымкаў. «Для „Веранікі“ я запісаў каля 80 працэнтаў музыкі да таго, як фільм быў зняты», — сцвярджае Прайснер[9].
Аўтарства вышэй згаданага канцэрта як у сюжэце, так і ў цітрах фільма, а таксама на дыску з саўндтрэкам прыпісваецца выдуманаму галандскаму кампазітару канца XVIII стагоддзя Ван дэн Будэнмаеру[10]. Апроч «Падвойнага жыцця Веранікі» яго музыка гучыць у фільмах «Дэкалог, дзевяць», «Тры колеры: Сіні» і «Тры колеры: Чырвоны». Гаворачы аб адрозненнях паміж уласнай творчасцю і творчасцю створанага ім кампазітара, Прайснер адзначае, што «Ван дэн Будэнмаер выразна выяўляе сябе слухачам як праз музыку, так і праз выбар тэкстаў»[11]. Так, у аснову канцэрта з «Падвойнага жыцця Веранікі» леглі фрагменты з «Боскай камедыі» Дантэ («Рай», II, 1—9; «Пекла», III, 4—6).
Крытыка[правіць | правіць зыходнік]
Саўндтрэк карціны быў выпушчаны ў 1991 годзе і сабраў шматлікія хвалебныя водгукі. Так, аглядальнік Міхнэ Мандутэану ў сваёй рэцэнзіі сцвярджае, што «Падвойнае жыццё Веранікі» — гэта фільм пра музыку, бо музычнае афармленне тут багатае, поўнае значэння і іграе не менш важную ролю, чым акцёрскае майстэрства. Паводле слоў рэцэнзента гэты фільм можна разглядаць як оперу з уласцівымі ёй харавымі спевамі, мелодыямі, што паўтараюцца, і шматчасткавай кампазіцыяй[10].
Аналіз[правіць | правіць зыходнік]
«Падвойнае жыццё Веранікі» — адзін з самых «музычных» фільмаў Кеслёўскага. Тэма музыкі ў гэтай карціне шчыльна пераплятаецца з лёсамі абедзвюх гераінь (адна з якіх юная спявачка, а другая — настаўніца музыкі ў малодшай школе), а таксама з’яўляецца рухаючым элементам сюжэта фільма. Так, выбар музычнай кар’еры прыводзіць да смерці адной з гераінь. Акрамя непасрэднай ролі ў сюжэце, музычны складнік карціны выкарыстоўваецца для ўсталявання сувязі між гераінямі, забяспечваючы звязаннасць і фармальную цэласнасць іх вобразу. Гэта дасягаецца дзякуючы прыёму лейтматыву, у якасці якога выступае твор выдуманага галандскага кампазітара Ван дэн Будэнмаера. Спачатку гэты твор выконваецца полькай Веронікай на канцэрце, а затым той жа музычны матыў суправаджае (у розных варыяцыях) перыпетыі, звязаныя з францужанкай Веранік, усталёўваючы шчыльную сувязь між лёсамі гераінь[12].
Музыка Прейснера, дзякуючы свайму нясэнсаваму характару, падкрэслівае складанасць і амбівалентнасць фільма Кеслёўскага як у тэматычным, так і ў мантажным плане. Гэтая шматзначнасць гукавога каментарыя, які выконвае не толькі эстэтычную, але і экзістэнцыяльную функцыю, вызначае ўніверсальнасць паслання твора. Найбольшае значэнне ён набывае ў сцэнах, дзе героі не могуць перадаць свае няясныя эмоцыі і станы пасродках слоў[13]. Пра новую якасць, якая ўзнікае пры спалучэнні выявы і гуку, Кеслёўскі казаў наступнае:
|
Дзіўна, як пры спалучэнні музыкі і выявы ўзнікае нешта, чаго няма ў іх паасобку. Яны злучаюцца — і раптам сцэна набывае новы сэнс, новую інтанацыю, новую якасць. Гэтае нешта нясе ў сабе пэўныя сэнсы і стварае настрой[14]. | 
|
Узнагароды і намінацыі[правіць | правіць зыходнік]
| Кінафестываль / Кінапрэмія | Дата | Прэмія / Катэгорыя | Намінант(ы) | Вынік | Спасылкі |
|---|---|---|---|---|---|
| Асацыяцыя кінакрытыкаў Лос-Анджэлеса | 14.12.1991 | Найлепшая музыка | Збігнеў Прайснер[~ 1] | Перамога | [15][16] |
| Сезар | 22.02.1992 | Найлепшая музыка | Збігнеў Прайснер | Намінацыя | [17] |
| Залатая качка | 2007 | Найлепшая музыка | Збігнеў Прайснер | Намінацыя | [18] |
- ↑ За фільмы «Еўропа Еўропа», «Падвойнае жыццё Веранікі», «Гульні ў палях Госпада»
Выкарыстанне музыкі[правіць | правіць зыходнік]
Уключэнне ў іншыя альбомы[правіць | правіць зыходнік]
| Год | Альбом | Кампазіцыі | Discogs |
|---|---|---|---|
| 1996 | «Nagrody Polskiego Przemysłu Fonograficznego Fryderyk '94 I '95» | «Enfer» | Discogs |
| 1997 | «Cannes 50ème» | «Générique De Fin» | Discogs |
| 1997 | «Cinema Choral Classics II» | «Concerto In E Minor» | Discogs |
| 1998 | «cinema café: The European Film Music Album» | «Concerto in e-minor» | Discogs |
| 1998 | «Harmonia: Le Chant Des Rêves» | «Fashon Show 1», «Concerto En Mi Mineur» | Discogs |
| 1998 | «The Man With 100 Pets and no tv» | «The puppets» | Discogs |
| 2000 | «Harmony Cinema: Le Chant Des Rêves» | «Concerto En Mi Mineur» | Discogs |
| 2000 | «Pottþétt: Vitund 2» | «Les Morionnettes» | Discogs |
| 2001 | «Harmonia» | «Concerto En Mi Mineur» | Discogs |
| 2001 | «Traveling» | «Concerto En Mi Mineur» | Discogs |
| 2006 | «the lounge classics: volume 1» | «Enfer» (Live), «Damage Fatale» (Live) | Discogs |
| 2007 | «Spying Imagination» | «Marionettes» | Discogs |
| 2008 | «The Essential Guide To World Cinema» | «Concerto In E Minor» | Discogs |
| 2016 | «Only The Flies» | «Solus» | Discogs |
Крыніцы[правіць | правіць зыходнік]
- ↑ а б в La Double Vie de Veronique (Original Soundtrack) — Zbigniew Preisner (англ.). Сайт «AllMusic». Праверана 18 мая 2023.
- ↑ La Double Vie De Veronique (soundtrack album) by Zbigniew Preisner (англ.). Сайт «Best Ever Albums». Праверана 18 мая 2023.
- ↑ La double vie de Véronique: The Double Life of Veronika (англ.). Сайт «Rate Your Music». Праверана 18 мая 2023.
- ↑ La Double Vie de Véronique (OST) (фр.). Сайт «SensCritique». Праверана 18 мая 2023.
- ↑ Zbigniew Preisner – La Double Vie De Véronique = The Double Life Of Veronika (Original Motion Picture Sound Track) (англ.). Сайт «Discogs». Праверана 18 мая 2023.
- ↑ Double Vie De Véronique, La (1991) (англ.). Сайт «Soundtrack Collector». Праверана 18 мая 2023.
- ↑ Дантэ Аліг’еры. Боская камедыя = La Divina Commedia / Пер. з іт. У. М. Скарынкіна. — Мінск: Мастацкая літаратура, 1997. — С. 321. — (Скарбы сусветнай літаратуры).
- ↑ Інтэрв’ю з кампазітарам Збігневам Прайснерам. «Double Life of Veronique», Criterion Collection DVD, 2006. Выток: http://cinema-translations.blogspot.com.by/2011/06/zbigniew-preisner-working-with.html Архівавана 11 жніўня 2017.
- ↑ Geoffrey Macnab, Chris Darke. Working with Kieślowski // Sight and Sound. — 1996. — Т. 6. — № 5. — С. 20.
- ↑ а б Mihnea Manduteanu. Soundtrack review: La double vie de Veronique (Zbigniew Preisner – 1991) (англ.)(недаступная спасылка). Сайт «SoundtrackDreams.com» (18 лістапада 2017). Архівавана з першакрыніцы 7 лютага 2019. Праверана 9 лютага 2019.
- ↑ Contemporary Film Music 2017, с. 61-62.
- ↑ Al-Araj 2015, p. 266.
- ↑ Al-Araj 2015, pp. 266–267.
- ↑ Kieślowski, Stok 1993, p. 179.
- ↑ 17th Annual Los Angeles Film Critics Association Awards (англ.). Сайт Асацыяцыі кінакрытыкаў Лос-Анджэлеса. Праверана 18 мая 2023.
- ↑ David J. Fox. ‘Bugsy’ Top Film for L.A. Critics : Movies: The film takes 3 awards, including best director; Nick Nolte, Mercedes Ruehl earn top acting honors (англ.). Сайт «Los Angeles Times» (16 снежня 1991). Праверана 18 мая 2023.
- ↑ La Cérémonie des César 1992 (фр.). Сайт Акадэміі мастацтваў і тэхналогій кінематографа. Праверана 18 мая 2023.
- ↑ Złote Kaczki 2007 (польск.). Сайт «Filmweb». Праверана 18 мая 2023.
Літаратура[правіць | правіць зыходнік]
- Anna Al-Araj. Muzyka jako nośnik „niewyrażalnego” w filmie Podwójne życie Weroniki Krzysztofa Kieślowskiego(польск.) // Przestrzenie Teorii. — Poznań: Adam Mickiewicz University Press, 2015. — № 24. — P. 261—274. — ISBN 978-83-232-2982-7. — ISSN 1644-6763. — DOI:10.14746/pt.2015.24.14
- Lindsay Coleman, Joakim Tillman. Contemporary Film Music: Investigating Cinema Narratives and Composition. — Palgrave Macmillan UK, 2017. — XVI, 272 p. — ISBN 978-1-137-57374-2.
- Krzysztof Kieślowski, Danusia Stok. Kieślowski on Kieślowski / Edited by Danusia Stok. — London: Faber and Faber, 1993. — xxiii, 268 p. — ISBN 0-571-16733-0.
Спасылкі[правіць | правіць зыходнік]
- Саўндтрэк на сайце «AllMusic» (англ.)
- Саўндтрэк на сайце «Discogs» (англ.)
- Саўндтрэк на сайце «Movie Music UK» (англ.)
- Саўндтрэк на сайце «Soundtrack.net» (англ.)
- Саўндтрэк на сайце «Soundtrack Collector» (англ.)
