Галасаванне

Тайнае галасаванне — другі тур мясцовых выбараў у Познані ў 2006 годзе.

Галасава́нне — падача голасу за каго-небудзь або што-небудзь. Гэта адна з найбольш пашыраных працэдур для высвятлення меркаванняў, настрояў і спадзяванняў людзей па важных праблемах палітычнага жыцця і ўладнай практыкі.

Віды

Галасаванне ўзняццем рук на зборы студэнтаў у Грэцыі.

Адрозніваюць некалькі відаў галасавання. Яно бывае адкрытае і закрытае (тайнае). Таксама існуе пайменнае галасаванне, пры якім афіцыйна рэгіструецца, як прагаласаваў пэўны член парламента ці іншага органа.

Прымяненне

Галасаваннем вырашаецца лёс дэмакратычна выбіраемых кіраўнікоў дзяржаў і мясцовых органаў улады, членаў парламента, дэпутатаў і іншых асоб, якія выбіраюцца на дзяржаўныя пасады насельніцтвам. Таксама праз гэтую працэдуру могуць прызначацца кіраўнікі і супрацоўнікі тых або іншых органаў і ўстаноў.

Для вырашэння ключавых пытанняў дзяржаўнага і грамадскага жыцця можа праводзіцца народнае галасаванне — рэферэндум.

Гл. таксама

• Выбарчая сістэма

Літаратура

• Галасаванне // Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. — С. 451. — 480 с. — 10 000 экз. — ISBN 985-11-0035-8. — ISBN 985-11-0090-0 (т. 4).

Спасылкі

• На Вікісховішчы ёсць медыяфайлы па тэме Галасаванне