Палац Парламента

З пляцоўкі Вікіпедыя
Перайсці да: рух, знайсці
Славутасць
Палац Парламента
Palatul Parlamentului
Palatul Parlamentului 1b.jpg
Каардынаты: 44°25′39″ пн. ш. 26°05′15″ у. д. / 44.4275° пн. ш. 26.0875° у. д. (G) (O) (Я)44°25′39″ пн. ш. 26°05′15″ у. д. / 44.4275° пн. ш. 26.0875° у. д. (G) (O) (Я)
Краіна Румынія
Горад Бухарэст
Архітэктурны стыль неакласіцызм
Аўтар праекта Анча Петрэску
Будаўніцтва 25 чэрвеня 19841997

Палац Парламента (рум.: Palatul Parlamentului) у Бухарэсце (Румынія) — шматфункцыянальны будынак, дзе засядаюць абедзве палаты румынскага парламента. Паводле звестак Акадэміі сусветных рэкордаў, Палац — найвышэйшы грамадзянскі будынак з адміністрацыйнымі функцыямі, найбольш дарагі і цяжкі будынак сярод адміністрацыйны будынак[1].

Назва[правіць | правіць зыходнік]

Першапачаткова палац называўся Домам народа (Народным домам рум.: Casa Poporului або Домам Рэспублікі рум.: Casa Republicii), але ў посткамуністычную эпоху быў перайменаваны ў Палац Парламента. Нягледзячы на гэта, шмат хто называе яго ранейшым імем.

Апісанне[правіць | правіць зыходнік]

Памеры палаца — 270×240 м. Вышыня — 86 м. Падземная частка паглыблена на 92 м. У палацы 1100 пакояў, 12 паверхаў. 4 падземных узроўні пабудаваны і ўжо выкарыстоўваюцца і яшчэ 4 узроўні знаходзяцца на розных стадыях будаўніцтва. На будаўніцтва было выдаткавана каля 1 мільёна м³ мармуру, у асноўным з Рукшыцы, 3500 тон хрусталю (480 жырандоляў, 1409 столевых свяцільнікаў і люстэркаў), 700 тыс. тон сталі і бронзы для дзвярэй, вакон, жырандоляў і капітэляў. Было таксама выкарыстана 900 тыс. м³ драўніны для паркету і насценных панэляў (арэшнік, дуб, вішня, вяз, клён), 200 тыс. м² шарсцяных дываноў розных памераў. У палац нават былі прывезены варштаты, каб рабіць асобныя вялікія дываны прама на месцы[2]. Будынак палаца спалучае ў сабе элементы розных стыляў і не паддаецца дакладнай класіфікацыі.

Будаўніцтва[правіць | правіць зыходнік]

Палац быў распрацаваны архітэктарам Анчам Петрэску і будаваўся для камуністычнага рэжыму. Нікалае Чаўшэску назваў яго Народным домам (рум.: Casa Poporului)[3].

Палац быў пабудаваны на ўзгорку Спірый, забудова на якім для гэтага была часткова разбурана. Будаўніцтва пачалося 25 чэрвеня 1984 года. Будынак першапачаткова прызначаўся для штаб-кватэры асноўных дзяржаўных інстытутаў. Палац быў пабудаваны галоўным чынам з матэрыялаў румынскай вытворчасці. Падчас будаўніцтва ўзнік такі попыт на румынскі мармур, што нават надмагільныя камяні па ўсёй краіне рабілі з іншых матэрыялаў. Будаўніцтва запатрабавала знішчэнні пятай часткі гістарычнага цэнтра горада і выклікала шматлікія пратэсты, бо было разбурана мноства цэркваў. Будаўніцтва амаль завяршылася да часу звяржэння і пакарання смерцю Чаўшэску ў 1989 годзе. Некаторыя недаробкі ў палацы застаюцца і станам на 2015 год, фактычна цалкам яго будаўніцтва і аздабленне не завершаны.

Гісторыя[правіць | правіць зыходнік]

З 1996 года ў палац пераехала Палата дэпутатаў Румыніі, якая дагэтуль размяшчалася ў Палацы палаты дэпутатаў, а таксама Румынскі заканадаўчы савет і Румынскі савет па канкурэнцыі. У 2005 годзе да іх далучыўся Сенат, які пераехаў з будынку колішняга Цэнтральнага камітэта Камуністычнай партыі.

У 2008 годзе у Палацы праходзіў 20-ы саміт НАТА.

Зноскі

  1. Largest administrative building , World Records Academy , стр. 1.
  2. [1]
  3. Palatul Parlamentului / Casa Poporului 1. miculparis.ro.

Спасылкі[правіць | правіць зыходнік]

Шаблон:Палацы і замкі Румыніі