Палац губернатараў (Львоў)

Славутасць
Палац губернатараў
Краіна	Украіна
Месцазнаходжанне	Львоў
Медыяфайлы на Вікісховішчы

Палац губернатараў — помнік гісторыі і архітэктуры ў Львове (Украіна). Будынак адносіцца да тыпу палацавай архітэктуры позняга класіцызму. Знаходзіцца за паўночнай мяжой сярэднявечнага горада, прылягае да будынка Галіцкага намесніцтва. Адрас: вул. Віннічэнка, 16.

Будынак быў перабудаваны пад палац па праекце архітэктара Гельмана ў 1821 годзе, у канцы XIX стагоддзя быў рэканструяваны.

Будынак Г-падобны ў плане, падоўжаны ўздоўж вуліцы, цагляны, трохпавярховы з бакавымі рознай шырыні рызалітамі, завершанымі трохвугольнымі франтонамі. Рызаліты на вышыню двух верхніх паверхаў аформлены пілястрамі іанічнага ордара. Па цэнтры над уваходам размешчаны балкон на металічных фігурных кранштэйнах. Вокны другога і трэцяга паверхаў апраўлены прафіляванымі ліштвамі.

Літаратура

• Памятники градостроительства и архитектуры Украинской ССР. — К.: Будивэльнык, 1983-1986. — Т. 3. — С. 39.