Палыгорскіт
| Палыгорскіт | |
|---|---|
| |
| Формула | (Mg,Al)2Si4O10(OH)·4(H2O) |
Палыгорскіт або атапульгіт - гэта гліністы мінерал, сілікат магнію і алюмінію з хімічнай формулай (Mg,Al)2Si4O10(OH)·4H2O. Лічыцца адной з разнавіднасцяў фулеравай зямлі, уваходзіць, нароўні з мантмарыланітам, у склад бентанітавых глін. Палыгорскіт быў упершыню апісаны ў 1862 годзе для Палыгорскага радовішча на рацэ Папоўка (Сярэдні Урал, Пермскі край, Расія) . Сінонім атапульгіт паходзіць ад назвы амерыканскага горада Атапульгус (паўднева-заходняя частка штата Джорджыя, ЗША), дзе мінерал здабываецца адкрытым спосабам.
Палыгорскіт выкарыстоўваецца як:
- цеплаізаляцыйны і гукаізаляцыйны матэрыял
- адсарбент і каталізатар у нафтахімічнай і металургічнай прамысловасці, у ядзернай энергетыцы
- пры вытворчасці ядахімікатаў і ўгнаенняў
- у якасці напаўняльніка ў пігментах, фарбах, лаках
Радовішчы
[правіць | правіць зыходнік]Палыгорскітавыя радовішчы вядомы ва Украіне (радовішчы каля Корасценя, Сімферопаля, Чаркас), ЗША, Францыі, Іспаніі, Славакіі (радовішча Ловінобаня), Расіі (Ловазерскі масіў ў Мурманскай вобласці, Мягразерскіае радовішча ў Карэліі, Дальнегорскае радовішча у Прыморскім краі), некаторых краінах Афрыкі.
Літаратура
[правіць | правіць зыходнік]- Huggins Charles W. Properties of palygorskite, an asbestiform mineral: US Bureau of Mines, Report of Investigaton. - 1962. - 6071. - 17 pp.
- Бетехтин А.Г. Минералогия. - М: Госгеолиздат, 1950. - с. 789 -790