Палявічка валасістая

Палявічка валасістая
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Метлюжкакветныя Сямейства:  Метлюжковыя Падсямейства:  Chloridoideae Трыба:  Eragrostideae Род:  Палявічка Від:  Палявічка валасістая
Міжнародная навуковая назва
Eragrostis pilosa (L.) P.Beauv., 1812
Сістэматыка на Віківідах Выявы на Вікісховішчы ITIS   40755 NCBI   208273 EOL   1114380 IPNI   1180620-2 TPL   kew-412999

Палявічка валасістая (Eragrostis pilosa) — від аднагадовых раслін сямейства Метлюжковыя (Poaceae). Антрапахорны від.

Батанічнае апісанне

Батанічная ілюстрацыя з кнігі Яна Копса «Flora Batava», 1800—1934

Сцябло узыходзячае. Лісце сядзячае, тонкае, падоўжанае, цэльнакрайняе з паралельным жылкаваннем, завостранае. Суквецце — мяцёлка, якая складаецца са шматлікіх складаных каласкоў. Каласкі шматкветкавыя, ланцэтныя або даўгавата-лінейныя, сціснутыя з бакоў. Каласковыя лускі кіляватыя, карацей кветкавых. Ніжняя кветкавая луска без асцюка. Язычок з валасінак. Ніжнія галіны мяцёлкі сабраны на галоўнай восі пучкамі па 3—7. Ніжнія галіны мяцёлкі маюць доўгія валасінкі.

Насенне дробнае, да 0,3 мм у дыяметры.

Экалогія

Сустракаюцца ў гарадах, вёсках, на зрубах лясоў пасля суцэльных высечак у лясных культурах малодшага ўзросту, лясных гадавальніках, абочынах аўтамабільных дарог, па чыгуначных шляхах на пясках і скалах, на палях і пустазельных месцах.

Даволі часта ў стэпе, радзей у лесастэпе і ў Закарпацці.

Пагрозы

Гэтая трава можа быць заражаная паразітычнай раслінай Striga hermonthica.