Паратуберкулёз

Паратуберкулёз, Паратуберкулёзны энтэрыт, хвароба Іонэ — хранічная інфекцыйная хвароба жывёл. Пашырана ў многіх краінах, у тым ліку на Беларусі. Перадаецца праз харч, ваду, гной і іншае. Крыніцы інфекцыі — хворыя жывёлы і бактэрыяносьбіты. Хварэюць буйная рагатая жывёла, радзей іншыя жвачныя. Пра паратуберкулёзе пагаршаецца апетыт, настае вяласць, анемія слізістых абалонак, панос, змардаванне.

Літаратура

• Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12. — 576 с. — 10 000 экз. — ISBN 985-11-0035-8. — ISBN 985-11-0198-2 (т. 12).