Партрэт Альжбеты і Алены Радзівіл

З пляцоўкі Вікіпедыя
Партрэт Альжбеты і Алены Радзівіл. Ганс Макарт, пач. 1880-х гг.png
Ганс Макарт
Партрэт Альжбеты і Алены Радзівіл. пачатак 1880-х
Матэрыял Палатно, алей
Памеры 150 × 105 см
невядома

«Партрэт Альжбеты і Алены Радзівіл» — карціна са збораў Нясвіжскага замка, напісаная ў пачатку 1880-х гг. Гансам Макартам (1840—1884). Месцазнаходжанне невядома. Памер карціны — 150 × 105 см[1].

Партрэт Альжбеты і Алены Радзівіл у салоне княгіні ў Нясвіжскім замку, першая палова XX ст.

На партрэце адлюстраваны сёстры Альжбета Мацільда (1861—1950) і Алена Аўгуста (1874—1958) з Радзівілаў. У калекцыі Музея-замка ў Ланцуце захоўваецца фотаздымак з партрэта, зроблены фатографам Маракам Косіорам (польск.: Marek Kosior). Да 1939 г. у калекцыі князёў Радзівілаў у Нясвіжы (№ 214, запіс пра партрэт у інвентары 1857 г. датаваны 1883 г.; № 190 у інвентары 1928 г.; № 103 у вопісе 1939 г.). Пасля 1939 г. трапіў у Мінск. У 1944 г., верагодна, вывезены ў Германію. Паводле Альдоны Крушынськай[d], аўтарства партрэта гіпатэтычна належыць мастаку Гансу Макарту. Даследчыца Аксана Лабко мяркуе, што гэта бясспрэчны твор Макарта[1].

Зноскі

  1. 1,0 1,1 Лёс фамільных скарбаў магнацкіх родаў Беларусі : зборнік матэрыялаў Міжнароднай навуковай канферэнцыі «Лёс фамільных скарбаў магнацкіх родаў Беларусі» (Нясвіж, 10 лістапада 2020 г.) і Міжнароднага навуковага семінара «Крыпта князёў Радзівілаў у Нясвіжы: гісторыя, сучасны стан, даследаванні, перспектывы выкарыстання» (Нясвіж, 4 кастрычніка 2019 г.)/ уклад. У. У. Караленак, С. М. Клімаў. — Нясвіж : Нацыянальны гісторыка-культурны музей-запаведнік «Нясвіж», 2020. 380 с. [16] л. іл.: іл. ISBN 978-985-904-826-5.