Партрэт Янкі Купалы (карціна Полазава, 1923)
| ||
| Дзмітрый Полазаў | ||
| Партрэт Янкі Купалы. 1923 | ||
| Матэрыял | Палатно | |
|---|---|---|
| Тэхніка | алей | |
| Дзяржаўны літаратурны музей Янкі Купалы, Мінск | ||
Партрэт Янкі Купалы — карціна рускага мастака Дзмітрыя Полазава, напісаная ў 1923 годзе. З'яўляецца часткай збору Дзяржаўнага літаратурнага музея Янкі Купалы ў Мінску[1].
Гісторыя[правіць | правіць зыходнік]
Партрэт быў напісаны на пленэры ў 1923 годзе. У гады нямецка-фашысцкай акупацыі Мінска палатно было вывезена з Дзяржаўнай карціннай галерэі БССР у Германію. У 1945 годзе партрэт быў знойдзены, адрэстаўраваны і перададзены ў Літаратурны музей Янкі Купалы ў Мінску[1].
Апісанне[правіць | правіць зыходнік]
Паэт-рамантык Янка Купала паказаны на фоне шырокіх беларускіх зялёных палеткаў і воблачнага блакітнага неба. У правай вытанчанай руцэ — кніга ў чырвонай вокладцы, левая, нервова-напружаная, ляжыць на каленях. Пакутліва выгнуты бровы, напружаны лоб, насцярожаны погляд, расшпілены элегантны шэры пінжак. Свежы ветрык кранае валасы Песняра і гойдае адзінокую бярозку, якая ледзь бачыцца ў глыбіні поля на фоне згусцелых аблокаў[1].