Партулак буйнакветны

Партулак буйнакветны
Сумесь рознакаляровых Portulaca grandiflora
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Гваздзікакветныя Сямейства:  Партулакавыя Род:  Партулак Від:  Партулак буйнакветны
Міжнародная навуковая назва
Portulaca grandiflora Hook., 1829
Сістэматыка на Віківідах Выявы на Вікісховішчы ITIS   20419 NCBI   3583 EOL   595871 GRIN   t:29451 IPNI   699211-1 TPL   kew-2573991

Партулак буйнакветны — від кветкавых раслін роду Партулак (Portulaca) сямейства Партулакавыя (Portulacaceae).

Апісанне

Portulaca grandiflora на клумбе ў Слаўгарадзе

Партулак буйнакветны — невялікая, але хуткарослая аднагадовая травяністая расліна вышынёй да 30 см. Тоўстае, ляжачае сцябло нясе падоўжанае лісце даўжынёй 2,5 см і кветкі дыяметрам 2,5—3 см з 5 пялёсткамі. Лісце простае, суцэльнае, мясістае. Кветкі бываюць розных адценняў чырвонага, аранжавага, жоўтага, пурпурнага і белага колераў. У большасці сартоў кветкі адкрыты толькі ў сонечныя дні. Плод — каробачка.

Распаўсюджанне і экалогія

У дзікай прыродзе расліна сустракаецца ў Аргенціне, паўднёвай Бразіліі і Уругваі. Дэкаратыўна вырошчваецца па ўсяму свету, у тым ліку некалькі разнавіднасцяў сустракаюцца і ў Беларусі. Цвіце ў ліпені—верасні.

Мноства культурных форм было выведзена, каб атрымаць махрыстасць кветак і кветкі іншых колераў.

Portulaca grandiflora непатрабавальная расліна. Расце ў любых глебах. Патрабуе сонечнага святла, каб добра расці. Мясістыя сцяблы і лісце расліны дапамагаюць ёй супрацьстаяць залішняму сонечнаму святлу і засусе.

Літаратура

• Пашына Г. В. Партулак // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз. — С. 123.

Спасылкі

• Портулак крупноцветковый: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)