Партызанская брыгада «За Радзіму»

Партызанская брыгада «За Радзіму»
Гады існавання	1943—1944
Краіна	СССР Беларуская ССР
Падпарадкаванне	Беларускі штаб партызанскага руху
Уваходзіць у	Вілейскае партызанскае злучэнне
Тып	партызаны
Функцыя	змаганне з акупантамі
Колькасць	495 партызан (2 ліпеня 1944 года)
Дыслакацыя	Шаркоўшчынскі, Маладзечанскі, Відзскі, Браслаўскі раёны
Войны	Другая сусветная вайна Вялікая Айчынная вайна
Удзел у	Вялікая Айчынная вайна
Камандзіры
Вядомыя камандзіры	П. М. Шырокаў; П. М. Кандрашчанка

Партызанская брыгада «За Радзіму» — партызанская брыгада, створаная ў верасні 1943 года на базе асобных атрадаў П. М. Шырокава (дзейнічаў з лістапада 1942 года), А. Ф. Ячмянёва (арганізаваны ў маі 1943 года), У. Ц. Антонава і І. Ф. Бандарэнкі (арганізаваныя ў верасні 1943 года). Дзейнічала на акупіраванай тэрыторыі Шаркоўшчынскага, Маладзечанскага, Відзскага, Браслаўскага раёнаў. 2 ліпеня 1944 года брыгада (495 партызан, 5 атрадаў) злучылася з Чырвонай Арміяй.

Склад

• партызанскі атрад імя Жданава (былы Шырокава);
• партызанскі атрад імя Варашылава (былы Ячмянёва);
• партызанскі атрад імя Кірава (былы Антонава);
• партызанскі атрад імя Молатава (былы Бандарэнкі);
• партызанскі атрад імя Куйбышава.

Камандаванне

Камандзіры

• П. М. Шырокаў;
• М. У. Кандрашчанка.

Камісар

• Ф. К. Акулаў.

Начальнікі штаба

• А. А. Дзюжэнка;
• К. І. Капцюгоў.

Гісторыя

Восенню 1943 года партызаны разбілі нямецкі гарнізон у вёсцы Бірута Браслаўскага раёна, спалілі 38 мастоў. У студзені 1944 года ўзарвалі электрастанцыю і млын у вёсцы Чырвоны Двор Шаркоўшчынскага раёна, знішчылі аўтагараж з 17 аўтамашынамі і 16 матацыкламі, 2 склады ў Даўгаўпілсе. У чэрвені 1944 года падарвалі 580 рэек. Вялі баі пры адступленні нямецкіх войск у Браслаўскім раёне.

Літаратура

• Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — 680 с. — 20 000 экз. — ISBN 5-85700-012-2.