Партызанская брыгада імя В. У. Куйбышава
| Партызанская брыгада імя В. У. Куйбышава | |
|---|---|
| Гады існавання | 1943—1944 |
| Краіна |
 СССР Беларуская ССР |
| Падпарадкаванне | Беларускі штаб партызанскага руху |
| Уваходзіць у | Пінскае партызанскае злучэнне |
| Тып | партызаны |
| Функцыя | змаганне з акупантамі |
| Колькасць | 771 партызан (10 ліпеня 1944) |
| Дыслакацыя | Целяханскі і Лагішынскі раёны |
| Войны |
Другая сусветная вайна Вялікая Айчынная вайна |
| Удзел у | |
| Камандзіры | |
| Вядомыя камандзіры | Уладзімір Маісеевіч Антановіч |
Партызанская брыгада імя В. У. Куйбышава — партызанская брыгада, створаная ў лістападзе 1943 года загадам штаба партызанскага злучэння Пінскай вобласці. Дзейнічала на тэрыторыі Целяханскага і Лагішынскага раёнаў.
Склад
[правіць | правіць зыходнік]- Партызанскі атрад імя Куйбышава (арганізаваны ў маі 1943 года, пазней імя Баруцкага, партызана, які загінуў у баі ў студзені 1943);
- Партызанскі атрад імя Арджанікідзэ (арганізаваны ў маі 1943);
- Партызанскі атрад імя Кагановіча;
- Група Дз. А. Лапаткіна (68 чалавек).
Камандаванне
[правіць | правіць зыходнік]Камандзір
[правіць | правіць зыходнік]- Уладзімір Маісеевіч Антановіч (лістапад 1943 — ліпень 1944).
Камісар
[правіць | правіць зыходнік]- Фама Сідаравіч Міхалковіч (снежань 1943 — ліпень 1944).
Начальнік штаба
[правіць | правіць зыходнік]- Захар Усцінавіч Сысоеў (снежань 1943 — ліпень 1944).
Гісторыя
[правіць | правіць зыходнік]Партызаны праводзілі дыверсіі на камунікацыях ворага. У ноч на 20 чэрвеня 1944 года на чыгунцы Лунінец — Пінск падарвалі каля 580 рэек. Знішчылі 32 аўтамашыны, 7 чыгуначных мастоў, 74 масты на шашэйных і грунтавых дарогах і 52,3 км тэлефонна-тэлеграфнай лініі. У ліпені 1944 года мініравалі грунтавыя дарогі Лунін — Багданаўка — Пагост-Загародскі — Лагішын, тут жа вялі баі з праціўнікам, які адступаў.
10 ліпеня 1944 года брыгада (771 партызан, 3 атрады) злучылася з Чырвонай Арміяй. 12—14 ліпеня 1944 года разам з часцямі Чырвонай Арміі ўдзельнічалі ў вызваленні Лагішына, станцый Лунін і Лоўча.
Літаратура
[правіць | правіць зыходнік]- Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — 680 с. — 20 000 экз. — ISBN 5-85700-012-2.
Спасылкі
[правіць | правіць зыходнік]- Бригада им. В. В. Куйбышева (Антонович В. М.) Архівавана 6 мая 2021. (руск.) // «Партизаны Беларуси» — спецыяльны праект Выдавецкага дома «Беларусь сегодня» і Нацыянальнага архіва Рэспублікі Беларусь