Пастаўскі краязнаўчы музей
| Пастаўскі раённы краязнаўчы музей | |
|---|---|
 | |
| Заснаваны | 1974 |
| Месцазнаходжанне | Беларусь, Віцебская вобласць, Паставы, пл. Леніна, 11/2 |
| Дырэктар | Гарошка Таццяна Гвідонаўна. |
| pastavy.museum.by/be | |
 Медыяфайлы на Вікісховішчы | |
Пастаўскі краязнаўчы музей — музей у Паставах, заснаваны Віктарам Стахоўскім ў студзені 1974 года, адкрыты ў будынку былой гасцініцы у лютым 1976 года. Плошча экспазіцыі 155 м², каля 7 тыс. экспанатаў асноўнага фонду (2001 г.). Мае аддзелы прыроды, гісторыі Пастаўскага раёна, Вялікай Айчыннай вайны, этнаграфічны. Сярод экспанатаў археалагічныя калекцыі кафлі 15 — пачатку 20 ст., скарб талераў і ортаў 17 ст., планы панскіх маёнткаў, матэрыялы пра разгортванне і дзейнасць падполля і партызанскага руху на тэрыторыі раёна ў Вялікай Айчыннай вайне, палітычныя рэпрэсіі, развіццё народнай гаспадаркі ў пасляваенны час.
Музей мае унікальныя прадметы гістарычнага, этнаграфічнага і прыроднага зместу. Ёсць і вельмі цікавыя калекцыі дзіцячых цацак 1940-60-х гадоў, радыёапаратуры, народных музычных інструментаў, старадаўніх гадзіннікаў, фотаздымкаў, якія адлюстроўваюць быт і культуру пастаўчан.
Пастаўскі раённы краязнаўчы музей арганізуе выставы сваіх фондаў, асабістых калекцый, фондаў іншых музеяў, твораў народных майстроў, мастакоў Пастаўшчыны.
Архітэктура[правіць | правіць зыходнік]
Двухпавярховы аб’ём пад чатырохсхільным дахам вырашаны ў сімбіёзным барочна-класіцыстычным стылі. У кампазіцыі франтальнага плоскаснага фасада выкарыстаны прынцып сіметрыі з рэгулярнай і рытмічнай разбіўкай прамавугольнымі аконнымі праёмамі ў простых ліштвах з замковым каменем, крапоўкай прамавугольнымі нішамі і філёнгамі.
Планіроўка зменена, раней першы паверх прызначаўся пад залу-шынкоўню і кухню, а другі — пад жылыя пакоі. Архітэктура будынка была падпарадкавана задачам стварэння цэласнага ансамбля плошчы, таму яна не прэтэндуе на арыгінальнасць і характарызуецца элементамі, агульнымі з архітэктурай суседніх будынкаў.
Дырэктары[правіць | правіць зыходнік]
- Віктар Канстанцінавіч Стахоўскі
- Людміла Паўлаўна Старунова
- Лізавета Ціхаўна Валетка
- Марына Анатолеўна Селядцова
- Гарошка Таццяна Гвідонаўна.
Зноскі
Літаратура[правіць | правіць зыходнік]
- Пастаўскі краязнаўчы музей // Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12. — С. 171. — 10 000 экз. — ISBN 985-11-0035-8. — ISBN 985-11-0198-2 (т. 12).
- Пастаўскі краязнаўчы музей // Энцыклапедыя гісторыі Беларусі. У 6 т. Т. 5: М — Пуд / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 1999. — С. 430. — 10 000 экз. — ISBN 985-11-0141-9.
Спасылкі[правіць | правіць зыходнік]
На Вікісховішчы ёсць медыяфайлы па тэме Пастаўскі краязнаўчы музей- Пастаўскі раённы краязнаўчы музей
- Пастаўскаму раённаму краязнаўчаму музею — 40 гадоў Архівавана 25 верасня 2020.
