Дунай (Буда-Кашалёўскі раён)

Пасёлак Дунай Краіна Беларусь Вобласць Гомельская Раён Буда-Кашалёўскі Сельсавет Крыўскі Каардынаты 52°33′35″ пн. ш. 30°30′26″ у. д. Першая згадка XIX стагоддзе Колькасць двароў 19 Насельніцтва 26 чалавек (2004) Часавы пояс UTC+3 Тэлефонны код +375 2336 Аўтамабільны код 3 Дунай на карце Беларусі ±

Дуна́й (трансліт.: Dunaj, руск.: Дунай) — пасёлак у Буда-Кашалёўскім раёне Гомельскай вобласці. Уваходзіць у склад Крыўскага сельсавета.

Геаграфія

Размяшчэнне

У 24 км на паўднёвы захад ад раённага цэнтра і чыгуначнай станцыі Буда-Кашалёўская (на лініі Жлобін — Гомель), 26 км ад Гомеля.

Транспартная сетка

Побач аўтадарога Жлобін — Гомель. Планіроўка складаецца з кароткай просталінейнай вуліцы, забудаванай двухбакова драўлянымі дамамі сядзібнага тыпу.

Гісторыя

Па пісьмовых крыніцах вядомы з канца XIX стагоддзя як паселішча ў Целяшоўскай воласці Гомельскага павета Магілёўскай губерні. У 1870 годзе памешчык меў тут 1000 дзесяцін зямлі. Па перапісу 1897 года фальварк Дунай (ён жа Бубнаўка).

У 1926 годзе знаходзіўся паштовы пункт. У 1930 годзе жыхары вёскі ўступілі ў калгас. Падчас Вялікай Айчыннай вайны акупанты спалілі 15 двароў. На франтах загінулі 12 жыхароў вёскі. У 1959 годзе ў складзе калгаса імя М. І. Калініна (цэнтр — вёска Івольск).

Да 1 снежня 2009 года пасёлак уваходзіў у склад Івольскага сельсавета.

Насельніцтва

Колькасць

• 2004 год — 19 двароў, 26 жыхароў.

Дынаміка

• 1897 год — 5 двароў, 30 жыхароў (паводле перапісу).
• 1926 год — 15 двароў, 58 жыхароў.
• 1940 год — 39 двароў, 139 жыхароў.
• 1959 год — 103 жыхара (паводле перапісу).
• 2004 год — 19 двароў, 26 жыхароў.

Літаратура

• Гарады і вёскі Беларусі: Энцыклапедыя. Т.1, кн.1. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: Белэн, 2004. 632с.: іл. Тыраж 4000 экз. ISBN 985-11-0303-9 ISBN 985-11-0302-0

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх