Паталагічная фізіялогія ў Беларусі

На Беларусі развіццё паталагічнай фізіялогіі звязана з адкрыццём кафедры паталагічнай фізіялогіі пры БДУ (1928), працамі А. Ю. Бранавіцкага.

Навуковыя даследаванні праводзяцца ў медыцынскіх інстытутах Мінска, Гродна, Віцебска па пытаннях росту пухлін, ліхаманкі, тэрмарэгуляцыі, рэгуляцыі сардэчнай дзейнасці і сасудзістага тонуса і інш.

Вядучыя беларускія спецыялісты па паталагічнай фізіялогіі — Ф. І. Вісмант, А. А. Крыўчык, А. В. Лявонава, Д. А. Маслакоў, Ю. Я. Радзівонаў.

Літаратура

• Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2001. — Т. 12: Палікрат — Праметэй. — 576 с. — 10 000 экз. — ISBN 985-11-0198-2 (т. 12), ISBN 985-11-0035-8.