Пашпарт грамадзяніна Літвы

З пляцоўкі Вікіпедыя
Jump to navigation Jump to search

Пашпарт грамадзяніна Літоўскай Рэспублікі (літ.: Lietuvos Respublikos piliecio pasas) — афіцыйны дакумент, які выдаецца грамадзянам Літоўскай рэспублікі для пацверджання асобы ўладальніка ці для паездак за межы дзяржавы і Еўрапейскага саюза. Для ідэнтыфікацыі на тэрыторыі Літвы выкарыстоўваецца ідэнтыфікацыйная картка.

Пашпарт утрымоўвае 32 старонкі і старонку анкетных звестак з полікарбаната, дзе анкетныя звесткі, фатаграфія, і подпіс выгравіраваны лазерам. Пашпарт створаны ў адпаведнасці з патрабаваннямі Міжнароднай арганізацыі грамадзянскай авіяцыі. Усе звесткі напісаны на літоўскай, англійскай, і французскай мове. Пашпарты выдаюцца літоўскім грамадзянам пасля запыту і сапраўдныя на працягу 10 гадоў для людзей у сталым узросце і 5 гадоў для дзяцей з 5 да 16 гадоў. Для малодшых дзяцей пашпарты сапраўдныя на працягу 2 гадоў, аднак перыяд можа быць пашыраны адмысловым запытам да 5 гадоў.

З 28 жніўня 2006 года пашпарт уключае электронныя біяметрычныя звесткі. У пашпарце знаходзіцца RFID чып памяці з антэнай. Гэты чып захоўвае фатаграфію і іншыя звесткі ў электроннай форме.

З 1 студзеня 2008 года выдаюцца новыя пашпарты еўрапейскага тыпу з чырвонай вокладкай. Гэтыя пашпарты былі створаны паводле агульных еўрапейскіх патрабаванняў да пашпарта.

Галерэя[правіць | правіць зыходнік]

Wiki letter w.svg На гэты артыкул не спасылаюцца іншыя артыкулы Вікіпедыі,
калі ласка, карыстайцеся падказкай і пастаўце спасылкі ў адпаведнасці з прынятымі рэкамендацыямі.