Паўднёвыя Сандвічавы астравы
| Паўднёвыя Сандвічавы астравы | |
|---|---|
| англ. South Sandwich Islands | |
 Востраў Брысталь. Выгляд з космасу | |
| Характарыстыкі | |
| Колькасць астравоў | 13 |
| Найбуйнейшы востраў | востраў Мантэгю |
| Агульная плошча | 310 км² |
| Найвышэйшы пункт | 1 310 м |
| Размяшчэнне | |
| 58°25′ пд. ш. 26°23′ з. д.HGЯO | |
| Акваторыя | Атлантычны акіян |
| Краіна | |
 Медыяфайлы на Вікісховішчы | |
Паўднёвыя Са́ндвічавы астравы (англ.: South Sandwich Islands) — архіпелаг на поўдні Атлантыкі. Разам з востравам Паўднёвая Георгія складае частку брытанскай заморскай тэрыторыі Паўднёвая Георгія і Паўднёвыя Сандвічавы астравы. Агульная плошча — 310 км². Сталага насельніцтва няма.
Геаграфія[правіць | правіць зыходнік]
Паўднёвыя Сандвічавы астравы фарміруюць дугу з 13 астравоў і скал, выцягнутую з поўдня на поўнач на 357 км. Яна знаходзіцца ў 557 км на паўднёвы захад ад вострава Паўднёвая Георгія і ў 1616 км на паўночны захад ад Антарктычнага паўвострава.
Маюць вулканічнае паходжанне. Гарыстыя, складзены пераважна базальтамі. Створаны меней за 5 млн гадоў таму ў выніку субдукцыі (напаўзання) тэктанічных пліт. Найвышэйшы пункт — гара Белінда (1310 м) на востраве Мантэгю — з’яўляецца пікам шчытавога вулкана. На іншых астравах ёсць стратавулканы. У раёне Паўднёвых Сандвічавых астравоў назіраюцца сталыя землятрусы.
Клімат субантарктычны прахалодны. Каля 80 % тэрыторыі астравоў пакрыты ледавікамі. Узімку падыход да берага ўскладнены з-за пакавага лёду.
Флора бедная. Жывёльны свет прадстаўлены пераважна птушкамі, у тым ліку пінгвінамі.
Гісторыя[правіць | правіць зыходнік]
Паўднёвыя Сандвічавы астравы адкрыты ў 1775 г. брытанскай экспедыцыяй на чале з Джэймсам Кукам. Навуковыя даследаванні пачаліся ў XIX ст. Сярод найбольш вядомых даследчыкаў былі Фадзей Фадзеевіч Белінсгаўзен і Эрнэст Генры Шэклтан.
Вялікабрытанія афіцыйна далучыла Паўднёвыя Сандвічавы астравы да сваіх тэрыторый у Паўднёвай Атлантыцы ў 1908 г. У 1985 г. была створана асобная заморская тэрыторыя Паўднёвая Георгія і Паўднёвыя Сандвічавы астравы.
Эканоміка[правіць | правіць зыходнік]
Астравы ненаселены, што абмяжоўвае іх эканамічную эксплуатацыю. У 1993 г. Вялікабрытанія стварыла вакол іх эксклюзіўную эканамічную марскую зону (12 — 200 марскіх міль).
Спасылкі[правіць | правіць зыходнік]
- South Sandwich Islands, southern Atlantic Ocean
- Volcanoes of South Sandwich Islands
- Penguins of the South Sandwich Islands
