Паўднёвы Захад (жылы раён, Мінск)
| Паўднёвы Захад | |
|---|---|
 | |
| 53°51′56″ пн. ш. 27°28′12″ у. д.HGЯO | |
| Краіна | |
| Горад | Мінск |
| Адміністрацыйны раён горада | Маскоўскі раён |
| Дата заснавання | 1977 [1] |
| Ранейшы статус | пасёлак |
| Год уключэння ў межы горада | другая палова 1970-х |
| Ранейшыя назвы | Пятроўшчына |
| Паштовыя індэксы | 220116, 220117, 220025 |
| Плошча |
|
| Насельніцтва | 85 тыс.[1] чал. |
 |
|
 Медыяфайлы на Вікісховішчы |
|
Паўднёвы Захад — жылы раён у паўднёва заходняй частцы Мінска. Забудоўваўся з другой паловы 1980-х. Складаецца з чатырох [2] мікрараёнаў, якія пабудаваны на перакрыжаванні цэнтральнай восі — праспекта газеты «Звязда» і папярэчных ёй праспекта Любімава, вуліц Алібегава, Голубева, Бялецкага; з бакоў абмежаваны праспектам газеты «Праўда» і вуліцай Рафіева. З захаду мяжуе з мікрараёнам Малінаўка.
Асноўныя вуліцы[правіць | правіць зыходнік]
- Праспект газеты «Праўда»,
- праспект газеты «Звязда»,
- праспект Дзяржынскага,
- праспект Любімава,
- вул. Голубева,
- вул. Алібегава,
- вул. Рафіева,
- вул. Бялецкага.
Інфраструктура[правіць | правіць зыходнік]
Грамадская інфраструктура[правіць | правіць зыходнік]
У жылым раёне даволі развітая гарадская інфраструктура. У мікрараёне Паўднёвы Захад-1 размешчана аддзяленне паштовай сувязі РУП «Белпошта». Раён абслугоўвае дзве дарослыя (№ 25, № 32), дзіцячая (№ 15) і стаматалагічныя (№ 13) паліклінікі, а таксама адна жаночая кансультацыя. У кожным мікрараёне размешчаны установы дашкольнай і сярэдняй адукацыі. Асноўны грамадскі цэнтр сканцэнтраваны ўздоўж праспектаў Дзяржынскага і Газеты «Праўда». Гэта гандлёвы цэнтр «Паўднёвы Захад» для мікрараёна Паўднёвы Захад-1, ГЦ «Валгаград» для Паўднёвага Захаду-2 і ГЦ «Кірмаш» з кінатэатрам «Бярэсце», ГЗЦ «Тытан» і ГЦ «Магніт» для ўсяго жылога раёна. Таксама тут знаходзяцца суд і ЗАГС Маскоўскага раёна. Акрамя гэтага, гандлёва-бытавая інфраструктура меншага маштабу адносна раўнамерна разгрупавана па перыметры раёна.
У 1994 годзе быў адкрыты Мінскі міжнародны адукацыйны цэнтр імя Ёханеса Раў [3]. Побач, па адрасе пр. Газеты «Праўда» № 11Д, размяшчаецца пасольства Федэратыўнай Рэспублікі Германія [4].
Транспарт[правіць | правіць зыходнік]
Праз раён праходзяць аўтобусныя і тралейбусныя маршруты. Раён абслугоўваюць дыспетчарская станцыя Паўднёвы Захад і дыспетчарская станцыя Малінаўка-4. 7 лістапада 2012 года была адкрыта станцыя метро Пятроўшчына.
| Нумар маршрута: | Назва маршрута: | Заўвагі: |
|---|---|---|
| Аўтобусныя маршруты: | ||
| 23 | д/с Малінаўка-4 — Гарадскі вал | |
| 28 | д/с Сярова — Масюкоўшчына | |
| 30с | Каржанеўскага — Красны Бор | |
| 75 | д/с Малінаўка-4 — ст. м. Пятроўшчына | |
| 83э | д/с Малінаўка-4 — ГЦ Ждановічы | Акрамя панядзелка |
| 90 | а/с Паўднёва-Заходняя — Семяняка | |
| 103 | д/с Паўднёвы захад — д/с Малінаўка-4 | |
| 104 | д/с Малінаўка-4 — Сеніца | |
| 116 | д/с Каменная Горка-5 — Малінаўка-8 | |
| 122э | д/с Кунцаўшчына — С. Кавалеўскай | Панядзелак — пятніца |
| 150 | д/с Паўднёвы Захад — Азярцо | |
| 156э | д/с Паўднёвы Захад — Водаачышчальная станцыя | |
| 196 | д/с Малінаўка-4 — С. Кавалеўскай | Панядзелак — пятніца 9.50 — 19.17 |
| Тралейбусныя маршруты: | ||
| 25 | д/с Кунцаўшчына — д/с Малінаўка-4 | |
| 32 | ст. м. Пятроўшчына — д/с Малінаўка-4 | |
| 36 | д/с Паўднёвы Захад — д/с Серабранка | |
| 39 | д/с Паўднёвы Захад — Сапёраў | |
| 40 | д/с Карастаянавай — д/с Паўднёвы Захад | |
| 47 | д/с Малінаўка-4 — ст.м. Пушкінская | |
| 52 | д/с Малінаўка-4 — д/с Кунцаўшчына | |
| 53 | д/с Малінаўка-4 — д/с Зялёны Луг | |
| 63 | д/с Паўднёвы Захад — д/с Дружная | |
| 64 | д/с Малінаўка-4 — д/с Дружная | |
| Бліжэйшыя станцыі метро: станцыя Пятроўшчына | ||
Славутасці[правіць | правіць зыходнік]
_011.Jpeg)
Побач з мікрараёнам Паўднёвы Захад-2 размешчана праваслаўная царква «Праабражэння Гасподняга» (насупраць універсама «Валгаград»).
Па адрасе праспект газеты «Звязда», насупраць дома № 32, к. 1 захаваўся курган, які датуецца XI ст. Курган быў абследаваны ў 1978 і 1980 гадах. Яшчэ адзін курган знаходзіцца насупраць дома № 26 па праспекце Любімава.[6]
Акрамя курганоў у 1986 годзе знойдзена селішча плошчай каля 1 га, якое датуецца X-XIII ст. Знаходзіцца яно ў 400 метрах на поўдзень ад дома № 60, к. 2 па праспекце газеты «Праўда».[6]
Яшчэ адно паселішча, якое датуецца X-XII ст., знаходзіцца на праспекце Любімава ў кіламетры на паўднёвы ўсход ад дома № 26. Падчас земляных работ частка плошчы была разбурана. Плошча, якая захавалася (каля 0,3 га) была абследавана ў 1986 годзе.
Побач з мікрараёнам знаходнзіцца парк імя Міхаіла Паўлава, які з іншага боку атачае мікрараён Малінаўка. Тэрыторыя абмежавана вуліцамі Любімава, Бялецкага, Курганнай і Касманаўтаў.
Праз парк працякае р. Лошыца, на рэчышчы якой створаны штучны вадаём.
Гл. таксама[правіць | правіць зыходнік]
Зноскі
- ↑ а б Районы, кварталы: история минского Юго-Запада (руск.). onliner.by. Архівавана з першакрыніцы 1 кастрычніка 2013. Праверана 5 снежня 2014.
- ↑ Праект дэталёвай планіроўкі жылога раёна Паўднёвы Захад
- ↑ Минский международный образовательный центр имени Йоханнеса Рау (руск.)(недаступная спасылка). Архівавана з першакрыніцы 16 лютага 2015. Праверана 28 лютага 2015.
- ↑ Пасольства Федэратыўнай Рэспублікі Германія, Мінск
- ↑ Афіцыйная старонка ДП "Мінсктранс" Архівавана 28 снежня 2014..
- ↑ а б Юго-запад (руск.). ato.by.
