Паўла Дыбала

Паўла Дыбала
Агульная інфармацыя
Нарадзіўся	15 лістапада 1993(1993-11-15)[…] (31 год) Лагуна Ларга[d], правінцыя Кордава
Грамадзянства	Аргенціна
Рост	177 см
Вага	70 кг
Пазіцыя	нападаючы, паўабаронца, inside forward
Клубная кар’ера
2011—2012 Instituto Atlético Central Córdoba[d] 38 (17) 2012—2015 Палерма 89 (21) 2015—2022 Ювентус 210 (82) 2022—0000 Рома 77 (31)
Медыяфайлы на Вікісховішчы

Па́ўла Дыба́ла (ісп.: Paulo Dybala; нар. 15 лістапада 1993) — аргенцінскі футбаліст, нападнік італьянскага клуба «Рома» і нацыянальнай зборнай Аргенціны. Праз дзеда мае польскія карані. Вылучаецца сваёй тэхнікай, бачаннем поля і майстэрствам у выкананні штрафных удараў.

Кар’ера

Клубная

Пачаў кар’еру ў мясцовым клубе «Інстытута» з Кордавы, дзе дэбютаваў у 2011 годзе ва ўзросце 17 гадоў. Здольнасць да атакуючай гульні і выдатны ўдар хутка зрабілі яго адным з самых перспектыўных маладых ігракоў краіны.

У 2012 годзе Дыбала пераехаў у Італію, далучыўшыся да клуба «Палерма». Праз тры гады, у 2015 годзе, Дыбала стаў іграком італьянскага «Ювентуса», дзе правёў самыя плённыя гады кар’еры. З клубам ён пяць разоў выйграваў чэмпіянат Італіі, некалькі разоў станавіўся ўладальнікам Кубка і Суперкубка краіны, а таксама дапамог камандзе дасягнуць фінала Лігі чэмпіёнаў 2017 года.

У 2022 годзе аргенцінец пакінуў «Ювентус» і падпісаў кантракт з «Ромай».

Міжнародная

Выступае за нацыянальную зборную Аргенціны, з якой здабыў Кубак Амерыкі 2021 года і стаў чэмпіёнам свету 2022 года.

Дасягненні

«Ювентус»:

• Чэмпіён Італіі: 2016, 2017, 2018, 2019, 2020
• Уладальнік Кубка Італіі: 2016, 2017, 2018, 2021
• Уладальнік Суперкубка Італіі: 2015, 2018, 2020

Аргенціна:

• Чэмпіён свету: 2022

Спасылкі

• Профіль на сайце «Ювентусу» (англ.)
• Профіль на сайце transfermarkt.com (англ.)
• Профіль на сайце soccerway.com (руск.)