Пералом косці
| Пералом косці | |
|---|---|
 | |
| Медыцынская спецыяльнасць | астэалогія[d] |
| Медыцынскі агляд | рэнтгенадыягностыка |
| Лекі, якія выкарыстоўваецца для лячэння | teriparatide[d][1] і denosumab[d][1] |
| ICPC 2 ID | L76 |
| Аб’яднанне | спіс у кваліфікатарах[d] |
 Медыяфайлы на Вікісховішчы | |
Пералом — поўнае парушэнне цэласнасці косці. Адрозніваюць пераломы траўматычныя (ад уздзеяння механічнай сілы) і паталагічныя (пухліна, запаленне і інш.). Можа суправаджацца пашкоджаннем нервовых канцоў або ствалоў, буйных сасудаў, скурных покрываў, інфіцыраваннем раны. Пашкоджанне крывяносных сасудаў пры пераломе вядзе да крывацёку, часам да развіцця дэкампенсаванай ішэміі тканкі і інш. Пераломы бываюць адкрытыя, закрытыя (скура не пашкоджваецца), са зрушэннем і без зрушэння. Асноўная клінічная праява — паталагічная рухомасць косці. Іншыя праявы залежаць ад лакалізацыі пералому (на чэрапе, пазваночніку, канцавінах і інш.). Асноўныя метады дыягностыкі — рэнтгенаграфія. Лячэнне кансерватыўнае (гіпсавыя павязкі, лёгкія шыны, выцяжэнне), хірургічнае[2]. Часам патрабуецца ўнутраная фіксацыя з дапамогай шрубаў і металічных прутоў[3].
У дзяцей пераломы могуць адбывацца як на целе косці, так і на эпіфізавай пласцінцы, дзе адбываецца рост косці ў даўжыню. Часта дзіцячыя пераломы косці няпоўныя — гэта значыць, што косць не пераломліваецца поўнасцю, а толькі надломваецца з аднаго боку[3].
Гаенне
[правіць | правіць зыходнік]У месцы пералому косці ўтвараецца згустак крыві, праз які прарастаюць новыя сасуды, адбываецца міграцыя калагенаўтваральных клетак. Астэабласты вырабляюць нерастваральныя крышталікі гідроксіапатыту, утвараючы касцявы матрыкс. У ходзе стварэння касцявой тканкі на месцы пералому паўстае касцявы мазоль[3].
Крыніцы
[правіць | правіць зыходнік]- 1 2 Drug Indications Extracted from FAERS — doi:10.5281/ZENODO.1435999 Праверана 2 кастрычніка 2018.
- ↑ БелЭн 2001, с. 280.
- 1 2 3 Drake 2020, с. 16.
Літаратура
[правіць | правіць зыходнік]- Грышын І. М. Пералом / І. М. Грышын // Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12. — С. 280. — 576 с. — 10 000 экз. — ISBN 985-11-0035-8. — ISBN 985-11-0198-2 (т. 12).
- Richard L. Drake, A. Wayne Vogl, Adam W.M. Mitchell. Gray's Anatomy for Students. — 4-е выд.. — Філадэльфія: Elsevier, 2020. — ISBN 978-0-323-39304-1.
Слоўнікі і энцыклапедыі | |||||
|---|---|---|---|---|---|
