Перніла Карлсан

З пляцоўкі Вікіпедыя
Jump to navigation Jump to search
Перніла Карлсан
шведск.: Pernilla Karlsson
Дата нараджэння 11 чэрвеня 1990(1990-06-11) (28 гадоў)
Месца нараджэння Сіўнтыа, Фінляндыя
Краіна Сцяг Фінляндыі Фінляндыя
Музычная дзейнасць
Прафесіі спявачка, спартсменка (гандбол)
Гады актыўнасці 2012 — н.ч.
Жанры поп-музыка

Перніла Карлсан (шведск.: Pernilla Karlsson, 11 чэрвеня 1990,[1] Сіўнтыа, Фінляндыя) — фінская спартсменка (гандбалістка), член зборнай Фінляндыі па гандболе (2012)[2]; у сезоне 2012/2013 гуляе за жаночую каманду гандбольнага клуба Dicken (Хельсінкі).[3]

Вядома таксама як спявачка; выйграўшы нацыянальны адборачны тур, яна 22 мая 2012 года прадставіла Фінляндыю на конкурсе песні «Еўрабачанне 2012».[4][5]

Біяграфія[правіць | правіць зыходнік]

Нарадзілася 11 чэрвеня 1990 года ў Сіўнтыа ў шведскамоўнай сям'і.

З 15 гадоў гуляла за гандбольны клуб Ш'юндэа ІФ (Sjundeå IF)[3] з Сіўнтыа, які выступае ў чэмпіянаце Фінляндыі. Гуляла за гандбольную маладзёжную зборную сваёй краіны.[2] Уладальнік Кубка Фінляндыі па гандболе сезона 2011/2012 у складзе свайго клуба[2]; закінула за сезон 39 мячоў.[3] Па стане на 2012 год з'яўляецца гульцом нацыянальнай зборнай Фінляндыі па гандболе.[2] Пасля заканчэння сезона перайшла з Sjundeå IF ў хельсінкскі гандбольны клуб Dicken.[3]

Па словах Яні Васколы (Jani Vaskola), трэнера каманды Dicken, з'яўленне ў камандзе Пернілы прынясе вялікую карысць, паколькі з яе дапамогай павінна палепшыцца хуткасная гульня каманды; акрамя таго, з яе дапамогай можна будзе павялічыць глыбіню атакі.[3]

Еўрабачанне[правіць | правіць зыходнік]

25 лютага 2012 года Карлсан стала пераможцай нацыянальнага адборачнага тура, атрымаўшы магчымасць прадстаўляць сваю краіну на штогадовым песенным конкурсе «Еўрабачанне».[6][7]

Выступ Карлсан у Баку адбыўся ў першым паўфінале, які прайшоў 22 мая. Яна выступіла з баладай När jag blundar («Калі я заплюшчу вочы », «Калі я заплюшчваю вочы»).[6][8] Першапачаткова гэта песня была напісана яе братам Ёнасам у падарунак для маці Пернілы і Ёнаса да дня яе нараджэння.[9] У гісторыі ўдзелу Фінляндыі ў конкурсе «Еўрабачанне» гэта другі выпадак, калі прадстаўнік краіны выконвае песню на шведскай мове (першай такой кампазіцыяй стала песня Fri?групы Beat у 1990 годзе).[10] Выступала Карлсан ў касцюме ад вядомага фінскага дызайнера Катры Нісканен.[8]

На думку эксперта Yleisradio Oy Тар'і Нярхі, выказанай напярэдадні конкурсу, выступленне Карлсан адлюстроўвае сучасныя тэндэнцыі ў фінскай папулярнай музыцы. Балада När jag blundar, на думку Нярхі, «не падыходзіць пад катэгорыю драматычнай», у той жа час «яна прыгожая і ідзе з самага сэрца».[8]

Кампазіцыя När jag blundar, выкананая Карлсан 22 мая 2012 года ў Баку ў першым паўфінале, не набрала дастатковай колькасці галасоў і не трапіла ў фінал конкурсу песні «Еўрабачанне 2012».[11] Як іранічна напісала газета «Kaleva» з Оўлу, «песенны конкурс Еўрабачанне для Фінляндыі пачаўся звыкла - прадстаўнік краіны , Перніла Карлсан, не прабілася ў фінал».[12] Сама Карлсан сказала , што яна задаволена сваім выступам.[9]

Зноскі

  1. Pernilla Karlsson Tilastopajan tietokannassa (tilastopaja.org) (фін.) 
  2. 2,0 2,1 2,2 2,3 Спортивный микрофон 27.02.2012 // Сайт телерадиокомпании Yleisradio Oy. Novosti po-russki. — 27 февраля 2012.(Праверана 27 лютага 2012)
  3. 3,0 3,1 3,2 3,3 3,4 Sallinen K. Pernilla Karlsson vaihtoi värinsä SIFistä Dickeniin (фін.) . Lansi Uusimaa (8 верасня 2012). Архівавана з першакрыніцы 20 лістапада 2012. Праверана 20 лістапада 2012.
  4. Пернилла Карлссон представила Финляндию на конкурсе «Евровидение» // Сайт тэлерадыёкампаніі Yleisradio Oy. Novosti po-russki. — 25 лютага 2012.(Праверана 17 кастрычніка 2018)
  5. Eurovision Song Contest — Baku 2012 | News — Pernilla Karlsson will represent Finland in Baku
  6. 6,0 6,1 Pernilla Karlsson med «När jag blundar» vann UMK | Hbl.fi/nyheter
  7. Pernilla Karlsson will represent Finland | Photos | Eurovision Song Contest — Baku 2012
  8. 8,0 8,1 8,2 «Евровидение 2012» уже на пороге // Сайт тэлерадыёкампаніі Yleisradio Oy. Novosti po-russki. — 21 мая 2012.(Праверана 18 кастрычніка 2018)
  9. 9,0 9,1 Пернилла борется в Баку за место в финале Евровидения // Сайт тэлерадыёкампаніі Yleisradio Oy. Novosti po-russki. — 22 мая 2012.(Праверана 18 кастрычніка 2018)
  10. Fri? (текст песни на шведском и английском языках) // Diggiloo.net(Праверана 22 лістапада 2012)
  11. Финляндия не пробилась в финал Евровидения // Сайт тэлерадыёкампаніі Yleisradio Oy. Novosti po-russki. — 23 мая 2012.(Праверана 18 кастрычніка 2018)
  12. Обзор прессы 24.05.2012. // Сайт телерадиокомпании Yleisradio Oy. Обзор прессы 24.05.2012] // Сайт телерадиокомпании Yleisradio Oy. Обзор прессы. — 24 мая 2012.(Праверана 24 мая 2012)

Спасылкі[правіць | правіць зыходнік]

Папярэднік:
Paradise Oskar
з песняй Da Da Dam
Фінляндыя на конкурсе песні Еўрабачанне
2012
Пераемнік:
Крыста Сіегфрыдс

Шаблон:Удзельнікі Еўрабачання 2012