Петэр Берэнс

З Вікіпедыі, свабоднай энцыклапедыі
Петэр Берэнс
ням.: Peter Behrens
Род дзейнасці мастак-плакатыст, архітэктар, кнігадрукар, мастак, дызайнер, графічны дызайнер, выкладчык універсітэта, графік, ілюстратар, настаўнік мастацтва
Дата нараджэння 14 красавіка 1868(1868-04-14)[1][2][…]
Месца нараджэння
Дата смерці 27 лютага 1940(1940-02-27)[4][1][…] (71 год)
Месца смерці
Месца пахавання
Грамадзянства
Жонка Lilli Behrens[d]
Дзеці Josef Behrens[d] і Petra Fiedler[d]
Месца працы
Альма-матар
Член у
Лагатып Вікісховішча Медыяфайлы на Вікісховішчы

Петэр Берэнс (ням.: Peter Behrens; 14 красавіка 1868, Гамбург — 27 лютага 1940, Берлін) — нямецкі архітэктар, адзін з заснавальнікаў канструктывізму ў архітэктуры і піянер прамысловага дызайну, прадстаўнік Дзюсельдорфскай мастацкай школы, пісьменнік, крытык і тэарэтык.


Біяграфія[правіць | правіць зыходнік]

Нарадзіўся ў Гамбургу 14 красавіка 1868 года. У 1877—1882 гадах наведваў Крысціяніум. Потым вучыўся жывапісу ў Гамбургскай мастацкай школе. У 1886—1889 гадах займаўся ў жывапісных класах у Карлсруэ і Дзюсельдорфе.

З 1890 года жыў у Мюнхене, дзе стаў членам мастацкага аб’яднання «Мюнхенскі сецэсіён». Пасля наведвання ў 1897 годзе Італіі П. Берэнс зноў працаваў у Мюнхене ў якасці жывапісца, кніжнага графіка, ілюстратара, афарміцеля часопісаў і брашур, быў сярод заснавальнікаў «Аб’яднанага саюза работнікаў мастацтваў і рамёстваў» так званага Мюнхенскага гуртка.

У 1899—1903 гадах Петэр Берэнс працаваў у Дармштацкай калоніі мастакоў. У 1901 годзе ён пабудаваў у Дармштаце ўласны дом з інтэр’ерамі, абстаўленымі мэбляй па сваіх малюнках, мазаікай, роспісамі, тканінамі і керамічнымі вырабамі. Гэта быў адзін з першых твораў архітэктуры «новага стылю». У абліччы дома прасочваюцца ўплывы стылю ар нуво, у прыватнасці архітэктуры Анры ван дэ Велдэ і Чарльза Рэні Макінтоша. У 1900 годзе Берэнс апублікаваў брашуру-маніфест «Свята жыцця і мастацтва», дзе станоўча ацэньваў «сучасную эпоху» з яе «сур’ёзнымі патрэбамі» і «карыснымі каштоўнасцямі».

Па праекце Берэнса быў пабудаваны Павільён Германіі на Міжнароднай выставе ў Турыне 1902 года.

Зноскі