Планы будаўніцтва ЗПГ-тэрміналаў для Беларусі
Планы будаўніцтва ЗПГ-тэрміналаў для Беларусі — абвешчаныя або абмяркоўваемыя беларускім урадам, дзяржаўнымі і недзяржаўным арганізацыямі праекты будаўніцтва ЗПГ-тэрміналаў для альтэрнатыўнага забеспячэння Беларусі прыродным газам.
2010[правіць | правіць зыходнік]
Літва[правіць | правіць зыходнік]
28 чэрвеня 2010 года на сустрэчы ў Мінску прэм'ер-міністраў Беларусі і Літвы Сяргея Сідорскага і Андруса Кубілюса была дасягнута дамоўленасць пра стварэнне двухбаковай рабочай группы па супрацоўніцтве ў галіне ПЭК, якая да 1 лістапада мусіла даць прапановы па будаўніцтве беларуска-літоўскага ЗПГ-тэрміналу ў Літве. Беларуская частка рабочай групы створана распраджэннем С. Сідорскага ад 13 ліпеня, кіраўніком прызначаны першы віцэ-прэм'ер Уладзімір Сямашка. Літоўскі бок таксама стварыў сваю частку рабочай групы.[1]
Заяўлялася, што магутнасць планаванага ЗПГ-тэрмінала мусіць скласці каля 8 млрд куб. м. штогод, кошт будаўніцтва — каля 1 млрд. USD. Беларусь, апроч ЗПГ-тэрміналу, мусіла пабудаваць трубаправодную сістэму даўжынёю 285 кіламетраў для транспарціроўкі газу на сваю тэрыторыю, паводле экспертных ацэнак, кошт яе будаўніцтва склаў бы больш за 300 млн. USD.[1]
6-10 верасня 2010 года прэс-служба беларускага ўраду паведаміла пра гатовасць кітайскай карпарацыі CAMCЕ фінансаваць будаўніцтва і будаваць беларуска-літоўскі ЗПГ-тэрмінал у Літве. Гэта, прынамсі адзін з варыянтаў фінасавання праекта, пытанне мусіла распрацоўвацца пасля канечнага рашэння ўрадаў Беларусі і Літвы пра здзяйсненне праекту. Паміж бакамі была дасягнута папярэдняя дамоўленасць, паводле якой пошук фінансавання возьме на сябе Літва, а Беларусь аплаціць сваю долю, у прыватнасці, за кошт паслуг доўгатэрміновага захоўвання газу, яго транспарціроўкі і г.д.[1]
Гл. таксама: Клайпедскі ЗПГ-тэрмінал
2011[правіць | правіць зыходнік]
Украіна[правіць | правіць зыходнік]
23 жніўня 2011 года часовы павераны ў справах Украіны ў Беларусі Аляксандр Сасюра адправіў беларускаму ўраду прапанову ўдзелу ў праектаванні і будаўніцтве ЗПГ-тэрміналу на чарнаморскім узбярэжжы Украіны.[2]
У 2010 годзе ўрадамі Украіны і Азербайджана падпісаны мемарандум пра супрацоўніцтва ў арганізацыі паставак ЗПГ. Рашэнне па будаўніцтве ЗПГ-тэрміналу было прынята украінскім урадам у канцы 2010 года. У жніўні 2011 года праводзіўся конкурс праекціроўшчыкаў.[2] Пастаўка ЗПГ іншых краін не планаваліся, бо Турцыя адмаўляецца прапускаць газавозы ў Чорнае мора праз свае пралівы[3].
Планаваная магутнасць ЗПГ-тэрміналу да 10 млрд куб. м. штогод. Будаўніцтва мусіла пачацца ў 2013 годзе, увод у эксплуатацыю першай чаргі — да 2015—2016 году. Агульны кошт праекта — 1,5 млрд USD. Удзел Беларусі, паводле ацэнак экспертаў, мог бы скласці 0,5 млрд USD.[2]
Латвія[правіць | правіць зыходнік]
2013[правіць | правіць зыходнік]
Латвія[правіць | правіць зыходнік]
Разглядалася магчымасць удзелу Беларусі ў будаўніцтве ЗПГ-тэрмінала ў Латвіі, паблізу Рыгі, што абмяркоўвалася падчас візіту прадстаўніка беларускага ўрада ў Латвію. Кіраўнік Беларусі А. Р. Лукашэнка падчас візіту ў ААЭ абмяркоўваў магчымасць пастаўкі ЗПГ на планаваны тэрмінал. Урэшце, з-за значна большай, адносна кошту расійскага газа для Беларусі, цаны ЗПГ, удзел у будаўніцтве названы Лукашэнкам немэтазгодным. Рэалізацыя праекта абмяркоўваецца на ўрадавым узроўні Латвіі яшчэ і ў 2014—2015 гадах[4].
Зноскі
- ↑ а б в Маненок Т. Терминал СПГ на китайские…
- ↑ а б в Украина предложила Беларуси построить СПГ-терминал Архівавана 5 сакавіка 2016. — TUT.BY, 23 августа 2011, 19:17.
- ↑ После визита Путина в Стамбул турки сразу перешли на «нет» — liga.net, 17.03.2015, 08:15
- ↑ Домбровский: терминал СПГ должен быть латвийским проектом — baltic-course.com, 04.02.2014
Літаратура[правіць | правіць зыходнік]
- Беларусь пока воздержится от строительства СПГ-терминала в портах соседних стран(недаступная спасылка) // Информационное агентство interfax.by — interfax.by, 11.04.2013
- Строительство СПГ-терминала за рубежом невыгодно для Беларуси — Лукашенко // БЕЛТА — belta.by, 23 Декабрь 2011, 14:34;
- Маненок Т. Освободиться от газовой монополии // «Белорусы и рынок» № 44(1077), 11-17 ноября 2013 г.;
- Маненок Т. Терминал СПГ на китайские деньги? // «Белорусы и рынок» № 34(920), 13-19 сентября 2010 г.
- http://ekonomika.by/obzor-glavnoy-stranitsi/vozim-tankerami-neft-budem-vozit-i-gaz-2 Архівавана 5 сакавіка 2016.
- http://m.belmarket.by/ru/page/170/11752 Архівавана 4 красавіка 2016.