Плоскаступнёвасць

З пляцоўкі Вікіпедыя
Перайсці да: рух, знайсці
Плоскаступнёвасць
Flatfoot.jpg
Плоская ступня
МКХ-10 M21.421.4, Q66.566.5
МКХ-9 734734
DiseasesDB 4852 4852
MedlinePlus 001262 001262
eMedicine orthoped/540  orthoped/540 
MeSH D005413 D005413

Плоскаступнёвасцьдэфармацыя ступні з устойлівым памяншэннем вышыні яе зводаў да іх амаль поўнага знікнення. Бывае падоўжаная і папярочная (мажліва спалучэнне абедзвюх). Набытую падзяляюць на статычную (ад перагрузкі ў час росту арганізму), рахітычную, траўматычную (пасля пералому шчыкалатак і касцей ступні) і паралітычную (пасля поліяміэліту). Прыроджаная сустракаецца рэдка. Прыкметы: хуткая стамляльнасць ног, боль у ступнях і ацёк ступні[1]. На 2011 г. у Беларусі ад хваробы пакутавала пятая частка дзяцей школьнага ўзросту.

Папярэджанне[правіць | правіць зыходнік]

След ступні пры ступенях плоскаступнёвасці ад 0-вой да 3-яй

Хваробу прадухіляе нашэнне абутку з гнуткай (натуральнай) скуры на малым абцасе, хаджэнне басанож дома і на рыхлай зямлі (пясок) і мяккай траве, як і выкананне практыкаванняў для ступняў. Падэшва абутку мае быць з натуральнага каўчуку. Нос чаравіка — мяккім і гнуткім. Вусцілка і падкладка — роўнымі і гладкімі. Хатні абутак варта насіць з убудаваным супінатарам калодкі і зашпількамі-сцяжкамі. Таксама карысна ўплываюць масаж ступняў і плаванне.

Прычыны[правіць | правіць зыходнік]

Немачы спрыяе абутак з адкрытай пяткай (сандалі), высокім і касым абцасам, тоўстай і цвёрдай падэшвай. Шкодзіць хаджэнне без абутку па камяністай глебе і асфальце, працяглае стаянне на месцы без рухаў з цяжкімі сумкамі ў руках і нашэнне дома пантофляў з тканіны[2].

Зноскі

  1. Плоскаступнёвасць // Беларуская энцыклапедыя ў 18 тамах / Генадзь Пашкоў — Мінск: Беларуская энцыклапедыя імя Петруся Броўкі, 2001. — Т. 12. — С. 432. — 560 с. — 10 000 экз. — ISBN 985-11-0198-2.
  2. Вольга Кулінковіч. Што карысна для ступні // Краіна здароўя. — 3 лютага 2011. — № 5 (241). — С. 3.

Спасылкі[правіць | правіць зыходнік]

Шаблон:Набытыя шкілетна-мышачныя дэфармацыі