Плошча Рынак (Львоў)

Плошча Рынак Львоў
Агульная інфармацыя
Краіна	Украіна
Горад	Львоў
Медыяфайлы на Вікісховішчы

Плошча Рынак — цэнтральная плошча Львова, размешчаная ў Галіцкім раёне горада.

Львоўская плошча Рынак сфармавалася пасля заваёвы Львова польскім каралём Казімірам Вялікім, да якога цэнтрам была плошча Стары Рынак. У XIX-пачатку XX стагоддзя сфармаваўся новы цэнтр горада: праспект Свабоды, плошча Міцкевіча і праспект Шаўчэнкі. Ад плошчы Рынак адыходзяць 8 вуліц (па сучасных назвах — 7 вуліц і 1 плошча): Руская, Сербская, Галіцкая, Кафедральная плошча, Кракаўская, Шэўская, Друкарская, Стаўрапігійская.

Архітэктурны ансамбль плошчы Рынак сфармаваўся на працягу XIV—XIX ст. Пажары, час і будаўнікі шмат у чым змянілі яе першапачатковы выгляд. Апошні значны пажар, падчас якога згарэла практычна ўся драўляная забудова Львова, адбыўся ў 1527 годзе. Памеры плошчы — 142 на 129 м; 44 дамы і ратуша ў цэнтры. Ад пачатковай гатычнай забудовы, якая існавала да пажару 1527 года, захаваліся сцены з фрагментамі дэталяў і падвалы.

Над забудовай плошчы Рынак працавалі архітэктары П. Красоўскі, М. Градоўскі, П. Барбонэ, П. Рымлянін, Б. Мярэцін, С. Фесінгер і іншыя. Будынкі будаваліся для прадстаўнікоў багатай шляхты і купцоў. Нумарацыі дамоў у сярэднявеччы не існавала, дамы мелі ўласныя назвы: «Пад ільвом», «Пад аленем», «Камяніца Лукашэвічаў».

Забудова

• Аптэка-музей
• Чорны дом

Спасылкі

• На Вікісховішчы ёсць медыяфайлы па тэме Плошча Рынак (Львоў)