Плошча Рэспублікі (Ерэван)
| Плошча Рэспублікі | |
|---|---|
| арм.: Հանրապետության հրապարակ | |
 | |
| Агульная інфармацыя | |
| Краіна | |
| Населены пункт | Ерэван |
| Плошча |
|
| Ранейшыя назвы | плошча Леніна |
| Назва ў гонар | рэспубліка |
 |
|
 Медыяфайлы на Вікісховішчы | |
Плошча Рэспублікі (арм.: Հանրապետության հրապարակ, Hanrapetutyan hraparak) — цэнтральная плошча Ерэвана[2]. Пры савецкай уладзе плошча насіла імя Леніна. Самая вялікая сталічная плошча ў Еўропе.
Плошча ўтвораная скрыжаваннем вуліц Вазгена Саркісяна, Амірана, Абавяна, Налбандзяна і праспекта Тыграна Меца.
Гісторыя
[правіць | правіць зыходнік]Плошча Рэспублікі пабудаваны на месцы старой гандлёвай плошчы[3].
Будаванне плошчы было задумана галоўным архітэктарам горада Аляксандрам Таманянам у 1924 годзе, канчаткова аблічча плошчы сфармавалася да 1958 года, а замест запланаваных спачатку будынкаў у стылі канструктывізму выбудаваны будынкі ў стылістыцы сталінскага ампіру з выкарыстаннем нацыянальных асаблівасцей[3]. Спачатку плошчу задумалі як авальную, але пазней, з-за асаблівасцей прылеглай тэрыторыі, форму плошчы вырашылі замяніць на спалучэнне авала з трапецыяй. Плошча меркавалася адміністрацыйным цэнтрам горада і ўсёй Арменіі, а з новым культурным цэнтрам, Тэатральнай плошчай, яе павінен быў злучыць Паўночны праспект (фактычна праспект пракладзены толькі ў 2001 годзе, і з-за пабудаванага пазней будынка Нацыянальнай галерэі ён не даходзіць да плошчы, сканчаючыся на вуліцы Абавяна)[3].
Форму плошчы ўтвараюць 5 будынкаў:
- Нацыянальная маляўнічая галерэя Арменіі і Mузей Гісторыі Арменіі,
- Урад Арменіі (на вежы будынка знаходзяцца галоўныя гадзіны краіны са званамі),
- Цэнтральны будынак пошты РА,
- Гасцініца «Marriott Armenia» (спачатку гасцініца «Арменія»),
- Міністэрствы замежных спраў і энергетыкі.
Усе будынкі, што знаходзяцца на плошчы Рэспублікі, зроблены з туфа, а іх ніжняя частка з базальта. Фасады будынкаў абкладзены фельзітавым туфам белага і ружовага колераў. Перад будынкам Музея гісторыі Арменіі знаходзяцца «спяваючыя» фантаны, якія па вечарах змяняюць свой колер. Поруч з плошчай размяшчаецца бульвар (сучасны вернісаж), на якім да 1990-х знаходзіліся 2750 пулпулакаў, сімвалізуючыя 2750-гадовы ўзрост Ерэвана ў 1968 годзе.
Цэнтр плошчы ўпрыгожаны каменным арнаментам, што неафіцыйна завецца «каменным дываном»[3].
З 1939 года ў паўднёвай частцы плошчы знаходзіўся помнік Леніну (скульптар С. Д. Меркуров, архітэктары Н. Ф. Парамузава, Л. С. Варданаў), знесены ў 1991 годзе[4][5].
-
Нацыянальная маляўнічая галерэя Арменіі і Музей гісторыі Арменіі -
Урад Арменіі -
Цэнтральны будынак пошты РА -
Гасцініца «Marriott Armenia» -
Міністэрствы замежных спраў і энергетыкі.
.jpg)
.jpg)
.jpg)
Транспарт
[правіць | правіць зыходнік]- Станцыя метро «Плошча Рэспублікі». Адкрыта ў 1981 годзе. Станцыя наўмысна збудавана без паўнавартаснага наземнага вестыбюля, каб не парушаць архітэктуру плошчы.[3]
Гл. таксама
[правіць | правіць зыходнік]Зноскі
- ↑ Wiki Loves Monuments monuments database — 2017.
- ↑ АБП — Площадь Республики Архівавана 13 красавіка 2010.
- ↑ а б в г д Д. Аксёнов. Станция «Ханрапетутиан храпарак». Мир метро. Праверана 19 чэрвеня 2018.
- ↑ Ереван. Памятники Ленину. Праверана 19 чэрвеня 2018.
- ↑ Пеший тур по Еревану. Площадь Республики(недаступная спасылка). Армянское наследие. Архівавана з першакрыніцы 19 чэрвеня 2018. Праверана 19 чэрвеня 2018.