Плошча Свабоды (Талін)

Плошча Свабоды эст.: Vabaduse väljak
Агульная інфармацыя
Плошча Свабоды, на пярэднім плане — Манумент Перамогі ў Вызваленчай вайне, на другім — царква Святога Іаана

Плошча Свабоды (эст.: Vabaduse väljak, раней — Перамогі, Сянная, Пятроўская) — гарадская плошча ў цэнтры Таліна. Займае плошчу 7752 м², памеры 110 х 75 м.

Гісторыя

Узнікла на месцы скапанага ў сярэдзіне XIX стагоддзя шведскага бастыёна перад Хар'юскай брамай. У 1867 годзе на плошчы была пабудавана Яанаўская царква.

У 1910 годзе на плошчы ліквідавалі сянны рынак, плошчу забрукавалі каменем. Да 200-годдзя ўзяцця горада расійкімі войскамі на плошчы паставілі помнік Пятру I. 1 мая 1922 года помнік быў дэмантаваны, пастамент пад ім разбураны, ногі бронзавага Пятра пераплаўлены на эстонскія сенты, з бронзавых рук адліты помнік эстонскім школьнікам-удзельнікам Вызваленчай вайны, які стаяў каля 2-й рэальнай школы. Бюст Пятра быў перанесены ў Кадрыёрг, дзе прастаяў у доміка Пятра, побач з цяперашняй рэзідэнцыяй прэзідэнта, аж да пачатку Другой сусветнай вайны, далейшы лёс бюста невядомы.

У 1930-я гады плошча была забудавана будынкамі ў стылі функцыяналізм — Дом мастацтваў (1933, архітэктары А. Соанс, Э. Куўзік), адміністрацыйны будынак (1932, архітэктар Р. Натус), Scandic Palace (1936, Э. Лохк)

Галоўнай славутасцю з'яўляецца пастаўлены ў 2009 годзе манумент Перамогі ў Вызваленчай вайне 1918—1920 гг.

Забудова

• д. 1 — царква Святога Іаана
• д. 3 — гасцініца Palace (1936, архітэктар Элмар Лохк)
• д. 4 — Талінскае музычнае вучылішча імя Георга Отса
• д. 5 — Рускі тэатр Эстоніі
• д. 6 — Дом мастацтваў (1933, архітэктары Эдгар-Ёхан Куўзік, Антан Соанс)
• д. 7 — мэрыя Таліна (1932, архітэктар Роберт Натус, свяцільні — Яан Коарт)
• д. 8 —
• д. 9 — навукова-забаўляльны цэнтр AHHAA
• д. 10 — Былы будынак страхавой кампаніі EEKS-MAJA (1936, архітэктар Элмар Лохк), раней на першым паверсе размяшчалася папулярнае кафэ «Масква», у якім выступаў Уладзімір Сапожнін.

• 
  Дом мастацтваў
• 
  Манумент Перамогі ў Вызваленчай вайне
• 
• 
• 
  Рускі тэатр Эстоніі

Плошча ў кінематографе

царква Святога Іаана выступіла ў ролі царквы Св. Монікі ў серыяле «Прыгоды Шэрлака Холмса і доктара Ватсана» («Скарбы Агры»).

Гл. таксама

• Манумент Перамогі ў Вызваленчай вайне
• Ратушная плошча

Спасылкі

• На Вікісховішчы ёсць медыяфайлы па тэме Плошча Свабоды (Талін)