Плямісты кускус

З пляцоўкі Вікіпедыя
Перайсці да: рух, знайсці
Плямісты кускус
Cuscus1.jpg
Навуковая класіфікацыя
Міжнародная навуковая назва

Spilocuscus maculatus

Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
ITIS   552690
NCBI   175810
EOL   323851

Плямісты кускус[1] (Spilocuscus maculatus) — прадстаўнік роду Spilocuscus сямейства Phalangeridae.

Апісанне[правіць | правіць зыходнік]

Вага плямістага кускуса вагаецца ад 1,5 да 6 кілаграмаў, даўжыня цела — ад 35 да 65 сантыметраў, даўжыня хваста — 30-60 сантыметраў. Галава круглая, вушы невялікія, прыціснутыя да галавы. Колер вачэй вагаецца ад жоўтага да аранжавага і чырвонага.

Цела пакрыта густым мяккім футрам. Колер футра часцей белы з жаўтлявым або шараватым адценнем. У верхняй частцы цела футра пакрыта буйнымі плямамі, адкуль і назва гэтага віду кускуса. Колер плям можа быць рудым, бурым або чорным. Футра на жываце — белага колеру, без плям. Плямы прысутнічаюць толькі ў мужчынскіх асобін, самкі плямістага кускуса маюць аднастайнае белае або шараватае футра. Зрэдку сустракаюцца і самцы з футрам без плям.

На верхняй частцы хваста поўсць адсутнічае, а сам хвост пакрыты шчыльнай грубай скурай, якая дазваляе кускусу захопліваць галіны пры перамяшчэнні па дрэвах.

Арэал[правіць | правіць зыходнік]

Плямісты кускус жыве ў трапічных, мангравых і эўкаліптавых лясах да 1200 метраў над узроўнем мора. Арэал: паўночная і паўночна-ўсходняя Аўстралія (Квінсленд, паўвостраў Ёрк), Новая Гвінея, на астравах Акіяніі распаўсюджаны ад астравоў Сулавесі на захадзе да Саламонавых астравоў на ўсходзе.

Зноскі

  1. Ілюстрацыя да арт. Сумчатыя // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн.: БелЭн, 2002. — 552 с.: іл. ISBN 985-11-0251-2 (т. 15), ISBN 985-11-0035-8.
Wiki letter w.svg На гэты артыкул не спасылаюцца іншыя артыкулы Вікіпедыі,
калі ласка, карыстайцеся падказкай і пастаўце спасылкі ў адпаведнасці з прынятымі рэкамендацыямі.