Полацак (часопіс)

«Часопіс беларуска-амерыканскага культурна-асветніцкага цэнтра „Полацак“»
Тып	часопіс
Заснавальнік	Беларуска-амерыканскі культурна-асветніцкі цэнтр «Полацак»
Краіна	ЗША
Галоўны рэдактар	Святлана Белая
Заснавана	1991
Спыненне публікацый	1997
Мова	беларуская
Галоўны офіс	Кліўленд

«Полацак» — беларускамоўны грамадскі, гісторыка-культуралагічны і літаратурны ілюстраваны часопіс, які выдаваўся ў 1991 — 1997 гг. у г. Кліўленд (штат Агая, ЗША) беларуска-амерыканскім культурна-асветніцкім цэнтрам «Полацак». Галоўная мэта выдання часопіса — спрыянне паяднанню беларусаў замежжа і Бацькаўшчыны.

Раздзелы і рубрыкі

• «Наша гісторыя»
• «Роднае слова»
• «Чарнобыльскі шлях»
• «Вобразы Бацькаўшчыны»
• «З жыцьця эміграцыі»
• «З эмігранцккіх выданьняў»

Апублікаваў дакументы 19-й і 20-й сустрэч беларусаў Паўночнай Амерыкі, I з’езд беларусаў свету, сустрэчы кіраўнікоў беларускіх суполак у замежжы, артыкулы па гісторыі і сучасным стане беларускай эміграцыі, матэрыялы пра беларускіх асветнікаў і інш. Выйшла больш за 40 нумароў.

Літаратура

• Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12. — 576 с. — 10 000 экз. — ISBN 985-11-0035-8. — ISBN 985-11-0198-2 (т. 12).
• Энцыклапедыя гісторыі Беларусі. У 6 т. Т. 5: М — Пуд / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 1999. — С. 518. — 10 000 экз. — ISBN 985-11-0141-9.