Полацкае кадэцкае вучылішча

Полацкае кадэцкае вучылішча
Дата заснавання	2010
Тып	ваеннае вучылішча[d]
Размяшчэнне	Полацк
Адрас	Віцебская вобласць, Полацкі раён, г. Полацк, вуліца П. Броўкі, 56.
p-kadet.vitebsk.by

Полацкае кадэцкае вучылішча — дзяржаўная сярэдняя спецыялізаваная навучальная ўстанова з ваенна-прафесійнай накіраванасцю навучання і выхавання ў горадзе Полацку Віцебскай вобласці.

Гісторыя

1 верасня 2010 года рашэннем Віцебскага абласнога выканаўчага камітэта № 572 ад 16 ліпеня 2010 года «Аб адкрыцці ўстановы адукацыі „Полацкае кадэцкае вучылішча“», Полацкага гарадскога выканаўчага камітэта № 518 ад 18 жніўня 2010 года «Аб стварэнні ўстановы адукацыі Полацкае кадэцкае вучылішча» на базе ўстановы адукацыі «Полацкая дзяржаўная агульнаадукацыйная сярэдняя школа № 4» была адкрыта ўстанова адукацыі «Полацкае кадэцкае вучылішча».

Для арганізацыі навучання кадэтаў па праграмах, якія прадугледжваюць ваенную падрыхтоўку, іх аб’ядноўваюць у выхаваўчыя групы. У групе з кадэтамі працуюць афіцэры. Выхаваўчая і ваенная падрыхтоўка ўключае: ваенную падрыхтоўку — вывучэнне Статута, агнявая падрыхтоўка, тапаграфія, медыцынская падрыхтоўка, страявая падрыхтоўка; спартыўную падрыхтоўку; эстэтычную падрыхтоўку. Акрамя заняткаў па ваеннай падрыхтоўцы кадэты ў групе рыхтуюць дамашнія заданні, за выкананнем якіх сочыць афіцэр-выхавальнік.

У матэрыяльную базу вучылішча ўваходзяць: спартыўная зала, навучальныя кабінеты, трэнажорная зала, цір, пляц, кабінет дапрызыўнай падрыхтоўкі, велагарадок, медыцынскі кабінет; бібліятэка, сталовая.

Літаратура

• Бондарава, Т. Да перамогі — праз час і прастору / Т. Бондарава // Настаўніцкая газета. — 2015. — 10 верас. — С. 5.