Помнік Вызвалення (Брэст)

З пляцоўкі Вікіпедыя
Jump to navigation Jump to search

Помнік Вызвалення — помнік, усталяваны ў 1965 годзе на плошчы Свабоды г. Брэста ў гонар войск 1-га Беларускага фронта, якія вызвалілі горад ад нямецкіх захопнікаў. Аўтары — архітэктар А.Гарбачоў і М.Мілавідаў, скульптар М.Альтшулер. Помнік уяўляе сабой высокую (8,7 м) расшыраную даверху стэлу на нізкім стылабаце. У верхняй частцы стэлы — рэльефныя выявы галавы савецкага салдата ў касцы і галава дзяўчынкі. Ніжэй надпіс: «28 ліпеня 1944 доблесныя войскі 1-га Беларускага фронта штурмам авалодалі горадам і крэпасцю Брэст, завяршыўшы вызваленне беларускіх земляў ад нямецка-фашыскіх захопнікаў» Стэла абліцаваная чырвоным паліраваным гранітам, пліты стылабату пакрыты шэрай мармуровай крошкай. На алеі, што вядзе да помніка, усталяваны 9 стэл, на якіх пералічнаы воінскія часткі і злучэнні, якія атрымалі найменні «Брэсцкіх».

Літаратура[правіць | правіць зыходнік]

  • Брест : Энциклопедический справочник / Гл. редактор И. П. Шамякин. – Мн. : БелСЭ им. П. Бровки, 1987. – 408 с.