Помнік Сталіну (Будапешт)

З Вікіпедыі, свабоднай энцыклапедыі
(Пасля перасылкі з Помнік Сталіну, Будапешт)
Помнік
Помнік Сталіну
Sztálin-szobor
Помнік Сталіну ў Будапешце, 2 студеня 1952 года
Помнік Сталіну ў Будапешце, 2 студеня 1952 года
47°30′41″ пн. ш. 19°04′53″ у. д.HGЯO
Краіна  Венгрыя
Горад Будапешт
Скульптар Мікуш Шандор
Дата заснавання снежань 1951
Будаўніцтва 19491951 гады
Дата скасавання 23 кастрычніка 1956
Матэрыял граніт, бронза
Праблемы з <mapframe>:
  • Атрыбут «latitude» мае няслушнае значэнне
  • Атрыбут «longitude» мае няслушнае значэнне
Лагатып Вікісховішча Медыяфайлы на Вікісховішчы
Помнік пасля дэмантажу, 23 кастрычніка 1956 года
Галава помніка

Помнік Сталіну ў Будапешце — цэнтральны скульптурны твор Будапешта да 1956 года. Быў усталяваны ў снежні 1951 года як падарунак венгерскага народа да сямідзесяцігоддзя Іосіфа Сталіна (21 снежня 1949 года). Разбураны 23 кастрычніка 1956 года падчас Венгерскага паўстання 1956 года.

Гісторыя[правіць | правіць зыходнік]

Помнік быў узведзены на ўскрайку гарадскога парку. Вышыня помніка разам з пастаментам — 25 метраў. Бронзавая статуя Сталіна была ў восем метраў у вышыню. Сталін быў прадстаўлены прамоўцам. Аўтар помніка — венгерскі скульптар Шандар Мікуш. Помнік быў створаны ў класічны перыяд сацыялістычнага рэалізму.

23 кастрычніка 1956 года паўстанцы разбурылі статую, пакінуўшы на пастаменце толькі боты, у якія быў усталяваны венгерскі сцяг. Бронзавы напіс «Правадыр, настаўнік і лепшы сябар венгерскага народа» быў збіты з пастамента.

Пасля падзей 1956 года апусцелы пастамент быў рэканструяваны і доўгі час выкарыстоўваўся як урадавая трыбуна пры правядзенні святочных шэсцяў і дэманстрацый.

У пачатку 1990-х гадоў рэшткі пастамента-трыбуны былі канчаткова дэмантаваныя.

У 2006 годзе ў парку скульптур эпохі сацыялізму ў Будапешце (Memento Park) у паменшаным выглядзе былі пабудаваны цагляны пастамент і ніжняя частка скульптуры — боты Сталіна.