Помнік Янку Купалу (Масква)

З пляцоўкі Вікіпедыя
Jump to navigation Jump to search
Помнік
Помнік Янку Купалу
Moscow, Kutuzovsky Prospect, park near school 1232 (30698665443).jpg
55°44′32,61″ пн. ш. 37°32′22,47″ у. д.HGЯO
Краіна Flag of Russia.svg Расія
Горад Масква
Скульптар Л. Гумілеўскі, С. Гумілеўскі
Архітэктар Юрый Панцеляймонавіч Грыгор’еў
Дата заснавання 2007
Матэрыял Бронза

Помнік Янку Купалу — помнік, усталяваны ў горадзе Маскве на Кутузаўскім праспекце ў раёне Дарагамілава.

Гісторыя[правіць | правіць зыходнік]

Стварэнне помніка беларускаму пісьменніку, паэту і драматургу Янку Купалу было прымеркавана да 125-годдзя з дня яго нараджэння. Аўтарамі помніка выступілі беларускія скульптары Леў Гумілеўскі і яго сын Сяргей Гумілеўскі, архітэктар Юрый Грыгор’еў.

14 студзеня 2005 года праект помніка быў зацверджаны прэзідэнтам Беларусі Аляксандрам Лукашэнкам, які выступіў ініцыятарам стварэння помніка падчас сустрэчы з мэрам Масквы Юрыем Лужковым. Скульптура была адліта з бронзы на камбінаце Беларускага саюза мастакоў. Працы фінансаваліся Саюзнай дзяржавай і Урадам Масквы. Адкрыццё помніка адбылося 7 ліпеня 2007 года.

Апісанне[правіць | правіць зыходнік]

Для помніка было выбрана месца ў Заходняй адміністрацыйнай акрузе на Кутузаўскім праспекце. Сквер, у якім быў усталяваны помнік, быў акультураны, для ўстаноўкі помніка было насыпана невялікае ўзвышша. Побач з помнікам былі ўсталяваны каменныя пліткі, якія спускаюцца да невялікага фантана, выкладзенага шэрым каменем.

Скульптары Гумілеўскія паказалі пісьменніка ў задуменнай позе, ён абапіраецца на драўляную загарадзь з лістом папараці і кнігай. Вышыня бронзавага помніка складае 4 м, а разам з каменным пастаментам, на які нанесены просты надпіс «Янка Купала» — 7 м.

Спасылкі[правіць | правіць зыходнік]